ދެވަނަ ބުރުގެ ވޯޓާސް ލިސްޓް އާންމުކޮށްފި

ރިޔާސީ އިންތިހާބުގެ ދެވަނަ ބުރުގައި ވޯޓްލެވޭ މީހުންގެ ދާއިމީ ލިސްޓް އިލެކްޝަންސް ކޮމިޝަނުން އާއްމުކޮށްފިއެވެ.

Ads by MWSC

ރިޔާސީ އިންތިޚާބުގެ ދެވަނަ ބުރަށް ރީ-ރަޖިސްޓްރީކުރުމަށް ހުޅުވާލީ މިމަހުގެ 15 އިން 17 އަށެވެ. މި މުއްދަތުގެ ތެރޭގައި ޖުމްލަ 47714 މީހުން ރީ-ރަޖިސްޓްރީ ކުރުމަށް ހުށައެޅިއެވެ. އޭގެތެރެއިން އޮންލައިންކޮށް ރަޖިސްޓްރީކުރުމަށް 26011 މީހުން ހުށަހަޅާފައިވެއެވެ. އަދި ކަރުދާސް ފޯމުގެ ގޮތުގައި، އީސީގެ ކައުންޓަރުތަކަށް 21703 ފަރާތަކުން ވަނީ ހުށަހަޅާފައެވެ.

ރިޔާސީ އިންތިޚާބުގެ ދެވަނަ ބުރުގައި 282803 ފަރާތަކަށް ވޯޓުލުމުގެ ހައްޤު ލިބިގެންވެއެވެ. އިންތިޚާބުގެ ފުރަތަމަ ބުރުގެ ވޯޓަރސް ލިސްޓަށްވުރެ، އިތުރު 408 ފަރާތަކަށް ދެވަނަ ބުރުގައި ވޯޓުލުމުގެ ހައްޤު ވަނީ ލިބިފައެވެ.

ދެވަނަ ބުރުގެ ވޯޓުލުން އޮންނާނީ މިމަހުގެ 30ވަނަ ދުވަހުއެވެ.