ޕިލިޕީންސްއިން ބުނަނީ ޗައިނާގެ ބިރަށް ނުސިހޭނެ ކަމަށް
ދެކުނު ޗައިނާ ކަނޑުގެ ސްޓްރެޓެޖިކް ޝޯލްއަކަށް ވަނުމާ ގުޅިގެން ޗައިނާއާ ދެމެދު އުފެދިފައިވާ ހަމަނުޖެހުންތަކާ ގުޅިގެން ފިލިޕީންސުން އެގައުމުގެ ސަރަހައްދާއި މަސްވެރިންގެ ހައްގުތައް ދިފާއުކުރާނެ ކަމަށާއި އެއްވެސް މައްސަލައެއް ނުބަލަން އުޅޭ ކަމަށް ފިލިޕީންސްގެ ރައީސް ވިދާޅުވެއްޖެ އެވެ.
ފިލިޕީންސްގެ ކޯސްޓްގާޑުން މި ހަފުތާގައި ބުނެފައި ވަނީ ޗައިނާއިން ހަރުކޮށްފައިވާ 300 މީޓަރު (980 ފޫޓް) ފްލޯޓިން ބެރިއާ ކަނޑާލުމުން ބެއިޖިން އިން 10 އަހަރަށް ވުރެ ގިނަ ދުވަސް ވަންދެން ކޮންޓްރޯލް ކުރަމުން އަންނަ ސަރަހައްދެއް ކަމަށްވާ ސްކާބަރޯ ޝޯލް އަށް ވަނުމަށް ހުރަސް އެޅިފައިވާ ކަމަށެވެ.
ފިލިޕީންސްގެ ރައީސް ފާޑިނަންޑް މާކޯސް ޖޫނިއާ އެންމެ ފަހުން އުފެދުނު ހަމަނުޖެހުންތަކާ ގުޅިގެން ދެއްކެވި ފުރަތަމަ ވާހަކަފުޅުގައި ވިދާޅުވީ ފިލިޕީންސްގެ ހާއްސަ އިގްތިސާދީ ސަރަހައްދުގައި މަސްވެރިކަމުގެ ހައްގު ތައް ދަމަހައްޓަމުން އަންނަ ކަމަށެވެ.
"އަޅުގަނޑުމެން ކުރާނެ ކަމަކީ ފިލިޕީންސްގެ ކަނޑުގެ ސަރަހައްދު ކަމަށްވާ ފިލިޕީންސްގެ ދިފާއުގައި ދެމިއޮތުމާއި، މަސްވެރިން މިހާރުވެސް އެތައް ސަތޭކަ އަހަރެއް ވަންދެން މަސްވެރިކަން ކުރަމުން އަންނަ ސަރަހައްދުތަކުގައި މަސް ހިފުމުގެ ހައްގު ތައް ދިފާއުކުރުން،" މާކޯސް ނޫސްވެރިންނާ ވާހަކަ ދައްކަވަމުން ވިދާޅުވި އެވެ.
ފިލިޕީންސްގެ ހާދިސާއާ މެދު ޗައިނާގެ ކޯސްޓްގާޑުން ދެކޮޅު ހަދާފައިވާއިރު، އެމެރިކާއިން ވަނީ އެކުވެރި މެނީލާގެ ފަހަތުގައި ބުރަވެ، ދިފާއީ އިސް އޮފިޝަލަކު ވަނީ އެ ގައުމުގެ މި ފިޔަވަޅަކީ ހިތްވަރުގަދަ ފިޔަވަޅެއް ކަމަށް ސިފަކޮށް، ކުރީގެ ކޮލޮނީ ދިފާއުކުރުމަށް މުއާހަދާގެ މަސްއޫލިއްޔަތުތައް ފާހަގަކޮށްފަ އެވެ.
މާކޯސް އިތުރަށް ބުނީ އޭގެ ތެރެއިން ގިނަ މައްސަލަތަކަކީ އޮޕަރޭޝަނަލް މައްސަލަތަކެއް ކަމަށާއި ހަގީގަތުގައި ވެސް އަޅުގަނޑަށް ވާހަކަ ނުދެއްކޭނެ ކަމަށެވެ.
އެކަމަކު އެ ހުރަސް ނައްޓާލުމުގެ ގޮތުން އަޅުގަނޑަކަށް ނުފެނޭ އިތުރު ކަމެއް ކުރެވިދާނެ ކަމަކަށް.
