ސިޔާސީ ކަމެއްގައި އެއްވެސް މީހަކު ޖަލަށް ނުލާނަން، ހަމަޖެހުން ބޭނުންވާ މީހަކު އެކަން ނުކުރާނެ: މުޢިއްޒު
ސިޔާސީ ކަމެއްގައި އުޅެގެން، އެމަނިކުފާނުގެ ވެރިކަމުގައި އެއްވެސް މީހަކު ޖަލަށް ނުލައްވާނެ ކަމަށް އިންތިޚާބީ ރައީސް ޑރ.މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވެފައި ވަނީ ޗެނަލް13 އަށް ދެއްވި ޚާއްސަ އިންޓަރވިޔުއެއްގައެވެ.
ރާއްޖޭގައި ހަމަހަމަކަމާއި ޢަދުލުވެރިކަން ޤާއިމު ކުރައްވަން ބޭނުންވެލައްވާ ކަމަށާއި، އެކަން ކުރުމަށްޓަކައި، އެއްވެސް މީހެއްގެ ޕާޓީއާއި، ހަސަބާއި ނަސަބާއި، އެ މީހެއްގެ އަތުގައި ފައިސާ ހުރި މިންވަރަށް ނުބައްލަވާނެ ކަމަށް ވެސް މުޢިއްޒު ވިދާޅުވިއެވެ.
"މި ސަރުކާރުން އެކަން މާގިނައިން ކުރާތީ ކަންނޭނގެ، ތި ބޭފުޅުންނަށް ހީވަނީ އަޅުގަނޑުމެން ވެސް އެކަން ކުރާނެ ކަމަށް، ނޫން. އަޅުގަނޑު މި ދަންނަވަނީ، އަޅުގަނޑު ބޭނުންވަނީ ޤައުމަށް ހަމަޖެހުން އަންނަންށޭ." މުޢިއްޒު ވިދާޅުވިއެވެ.
އިންތިޚާބީ ރައީސް އިތުރަށް ވިދާޅުވީ، ސިޔާސީ ވަކި ވިސްނުމެއްގެ ސަބަބުން މީހަކު ބުނާ އެއްޗަކުން، ޖަލަށް ލުމަކީ ޤައުމަށް ހަމަޖެހުން ގެންނަން ބޭނުންވާ މީހަކު ކުރާނެ ކަމެއް ނޫން ކަމަށެވެ.
މީގެ އިތުރުން މުޢިއްޒު ވިދާޅުވީ، ސިޔާސީ މީހަކު ކުށެއް ކޮށްގެން ޖަލަށް ލުމަށް ފަހުގައި، ސިޔާސީ މީހަކަށް ވީތީ ދޫކޮށްލުމަކީ ވެސް ކުރެވޭނެ ކަމެއް ނޫން ކަމަށެވެ.
ޗައިނާގެ އެހީގައި އެބަޖެހޭ ލޯނެއް ނަގައިގެން މާލެ ސަރަހައްދުގައި ހުރި ފަޅުތައް ހިއްކާ އެހިއްކާ ބިން ތަކަށް ވެލިއު އެޑްކޮށްގެން 1 ހެކްޓަރުގެ 100 ބިން ކޮންމެ މަހަކު ބިމެއް 10 މިލިއަން ޑޮލަރަށް ވިއްކާލަން ބިން ގަންނަން ބޭނުންވާ ކޮންމެ މީހަކަށް ބިމެއް ވިއްކާލެވޭނެ 100 އަހަރުގެ މުއްދަތަށް މިސާލަކަށް ހުޅުމާލޭގެ ހުޅަނގުން އޮތް ފަޅު ހިއްކާ 100 ބިން އެގޮތަށް ވިއްކައިފިނަމަ 1000 މިިލިއަން ޑޮލަރު ފުރަތަމަ މަހު ލިބޭނެއޭ ދެން އެފައިސާ އިން ލޯން ވަގުތުން ދައްކާލަން ޖެހޭނެއޭ ވެރިކަމަށް 12 މަސްވާއިރު މިގޮތަށް މަހަކު 1 ބިލިއަނ ޑޮލަރު ހޯދަމުންދާނަމަ ދެން ދައްކަން ޖެހޭނެ ލޯނެއް ނުހުންނާނެއޭ ލޯން ދައްކާ ނިމުމުން ދެން ހުރި ފަޅު ތަކުން ބިން ހިއްކާ ގޯތި ދޭނީއޭ އަކަމީޓަރަކަށް މަހަަކު 1 ރުފިޔާ ކުއްޔެއް ސަރުކާރަށް 1000 އަހަރު ވަންދެން ދައްކާ ގޮތަށް ދެން އެއަށްފަހު ޖީއެސްޓީ އުވާލާނީއޭ..
ކޮން ޗައިނާ އެކޭ ކިޔާ ކޮމެންޓު ކުރާކަށް، ގައުމަށް ކޮއްފައި އޮތްވަރު ކުޑައީތަ، ދަރަނިން ސަލާމަތް ކުރަންވެސް ޖެހޭ، 60 ބިލިޔަންގެ ދަރަނި މަދުވެގެންތަ ފަޅަނީ، ދެން ޓާޓާ، ބާއި ބާއި