ޗައިނާގައި ބަންދުކޮށްފައި ތިބޭ އެހެން ޤައުމުތަކުގެ މީހުން
އޮސްޓްރޭލިއާގެ ނޫސްވެރިޔާ ޗެންގް ލެއި ގައުމީ ސަލާމަތުގެ ތުހުމަތުގައި ތިން އަހަރަށް ވުރެ ގިނަ ދުވަސް ވަންދެން ޗައިނާގެ ކަމާ ބެހޭ ފަރާތްތަކުން ބަންދުކޮށްފައި އޮތުމަށްފަހު އެނބުރި ގައުމަށް ވަޑައިގެންފި އެވެ.
ޗައިނާގައި ބަންދުކޮށްފައި ތިބި ބިދޭސީންގެ އިތުރު ހައި ޕްރޮފައިލް މައްސަލަތަކެއް:
ޔަންގް ހެންގްޖޫން
އޮސްޓްރޭލިއާގެ ލިޔުންތެރިޔާ ޗައިނާގައި ބަންދުކޮށްފައި ހުންނަތާ ތިން އަހަރަށް ވުރެ ގިނަ ދުވަސް ވެފައިވާއިރު، 2021 ވަނަ އަހަރު ބެއިޖިންގައި ޝަރީއަތް ކުރިއަށް ގެންދިޔައީ ހާމަނުކުރާ ގައުމީ ސަލާމަތުގެ ތުހުމަތުގަ އެވެ. އޭނާ ހައްޔަރުކުރީ އޮސްޓްރޭލިއާ އާއި ޗައިނާއާ ދެމެދު އޮތް ގުޅުން ގޯސްވެފައިވާ ދަނޑިވަޅެއްގައި ކަމަށާއި އޭނާގެ މައްސަލައިގެ ހުކުމް އިއްވުން ތަކުރާރުކޮށް ލަސްވަމުންދާ ކަމަށެވެ.
ޗައިނާއަށް އުފަން ނަމަވެސް އޮސްޓްރޭލިއާގެ ރައްޔިތެއް ކަމަށްވާ ޔަންގް ވަނީ އޮސްޓްރޭލިއާ ނުވަތަ އެމެރިކާގެ ޖާސޫސެއްގެ ގޮތުގައި މަސައްކަތް ކުރާ ކަމަށް ބުނެ ދޮގުކޮށްފަ އެވެ.
ޑިމޮކްރަސީއަށް ތާއީދުކުރާ ބްލޮގަރު ބަންދުގައި ބަހައްޓައިގެން އޭނާގެ ސިއްހީ ހާލަތު ގޯސްވެދާނެ ކަމުގެ ބިރު އެބައޮތް ކަމަށް އޭނާގެ ރަހުމަތްތެރިން ބުނެފި އެވެ.
ޖަޕާނުގެ ވިޔަފާރިވެރިޔާ
އެސްޓެލަސް ފާމާ އިންކްގެ ޖަޕާނުގެ މުވައްޒަފަކު އާންމުކޮށް ދެނެގަނެވިފައި ނުވާއިރު، ޖާސޫސް ކުރުމުގެ ތުހުމަތުގައި މިދިޔަ މާޗް މަހު ބެއިޖިންގައި ހިފަހައްޓައި، ޗައިނާގައި ތިބި ޖަޕާނުގެ ވިޔަފާރިވެރިންނަށް ފިނިކަމެއް ލިބުނެވެ.
އުމުރުން 50 އަހަރުގެ އެ މީހާ ޗައިނާގައި 20 އަހަރަށް ވުރެ ގިނަ ދުވަހު މަސައްކަތް ކޮށްފައިވާ އިރު، އޭނާ އަކީ އެގްޒެކެޓިވް މީހެއް ކަމަށް ޖަޕާނުގެ މީޑިއާ ރިޕޯޓްތައް ބުނެ އެވެ. އެ ވިޔަފާރިވެރިޔާ ރަސްމީކޮށް ހައްޔަރު ކުރުމާ މެދު ބެއިޖިން އިން ވަރަށް އަވަހަށް ގޮތެއް ނިންމާނެ ކަމަށް ބެލެވޭ ކަމަށް ކިޔޯޑޯ އިން މިދިޔަ މަހު ބުނެފައިވެ އެވެ.
ޖަޕާނުގެ މުވައްޒަފަކު ހައްޔަރުކުރިތޯ މިދިޔަ މަހު ޗައިނާގެ ފޮރިން މިނިސްޓްރީން ސުވާލު ކުރުމުން ބުނީ ޗައިނާގައި ތިބި ބިދޭސީން އެ ގައުމުގެ ގާނޫނުތަކަށް ބޯލަނބަން ޖެހޭ ކަމަށާއި ނުވަތަ އެހެން ގޮތަކަށް ދައުވާ ކުރަން ޖެހޭނެ ކަމަށެވެ.
