ފަލަސްޠީނުގެ މައްސަލައަށް މުޢިއްޒު ދެއްވާ ސަމާލުކަމަށް ޝަހީމްގެ ތަޢުރީފު
ފަލަޞްޠީނުގެ ރައްޔިތުންގެ ޙައްޤުގައި އިންތިޚާބީ ރައީސް ޑރ. މުޙައްމަދު މުޢިއްޒު ދެއްވަމުން ގެންދަވާ އަހައްމިއްޔަތުކަމާމެދު ނިހާޔަތަށް އުފާކުރައްވާ ކަމަށް ކުރީގެ އިސްލާމިކް މިނިސްޓަރު ޑރ.މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.
ޑރ.ޝަހީމް މިހެން ވިދާޅުވެފައި ވަނީ އެކްސްގައި މިރޭ ކުރައްވައިފައިވާ ޕޯސްޓެއްގައެވެ. ތުރުކީގެ ރައީސް ރަޖަބު ޠައްޔިބު އުރުދުޣާންއާއި ފޯނުން ގުޅުއްވައި، ފަލަސްޠީނުގެ ރައްޔިތުންގެ އަސާސީ ބޭނުންތައް ފުއްދައިދިނުމާއި ގުޅޭ މަޝްވަރާ، މުޢިއްޒު ކުރެއްވިކަން އެ ޕޯސްޓުގައި ފާހަގަކުރެއްވިއެވެ.
"ތުރުކީ ވިލާތުގެ ރައީސްއާއެކު، ޣައްޒާގެ ރައްޔިތުންނަށް އިންސާނީ އެހީ ފޯރުކޮށްދިނުމާ މެދު މަޝްވަރާކުރެއްވިކަމުން ވެސް ދޭހަވެގެންދަނީ އެ މުހިންމުކަން." ޝަހީމްގެ ޕޯސްޓުގައިވެއެވެ.
ރައީސް އުރުދުޣާާން އާއި މުޢިއްޒުގެ ފޯނު ކޯލާއި ގުޅޭގޮތުން ތުރުކީގެ ނޫސްތަކުން ރިޕޯޓްކޮށްފައިވާ ގޮތުގައި، އެ ފޯނު ކޯލުގައި އިންތިޚާބީ ރައީސް ޑރ. މުޢިއްޒު ވަނީ ފަލަސްޠީނަށް އެހީތެރިވުމަށް ތުކުރީން ކުރަމުން އަންނަ މަސައްކަތްތަކާ ގުޅޭ ގޮތުން ސުވާލުކުރައްވައިފައެވެ.
އެ ފޯނު ކޯލުގައި ތުރުކީގެ ރައީސް އުރުދުޣާން ވަނީ، ފަލަސްޠީނުގައި ހާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދިނުމަށް މަސައްކަތް ކުރަމުން އަންނަ ކަމަށް ވިދާޅުވެފައެވެ.
އަދި އިޒްރޭލުން ފަލަސްޠީނުގެ ގާޒާއަށް ދެމުންދާ ހަމަލާތައް ހުއްޓާލުމަށް ގޮވާލައި މަޝްވަރާތައް ކުރައްވަމުންދާ ކަމަށްވެސް ވިދާޅުވެފައިވާ ކަމަށް ރިޕޯޓްތައް ބުނެއެވެ.
އަރަބިން ކެއްޔާ ދިވެހިން ތިބޭނީކައިގެން އެކަމު އަރަބިން ކަނީ ފަލަސްތީން ގެ ރައްޔަތުން ބަޑައްމަރުވަނި މީހުން ތައްޝަޙީދުވަނކ
ސީދާ ރަތްލާޖެހި ކާފަރުންނާ ގުޅުން ބޭއްވުމައްވުރެން ރަނގަޅުވާނެ