މި މައްސަލާގައި ހައްޔަރުކުރީ ޖިނޯ ބޭބީ ދާސް ނަމަކަށް ކިޔާ އުމުރުން 28 އަހަރުގެ ފިރިހެނެކެވެ. އޭނާ އަކީ އަވަށްޓެރި އިންޑިއާ އަށް ނިސްބަތްވާ މީހެއްކަން އެނގިފައިވެއެވެ.
ފުލުހުން އޭނާގެ މައްޗަށް ކޮށްފައިވަނީ ބަނގުރާ ބޭނުންކޮށް، ގެންގުޅުމުގެ ތުހުމަތެވެ.
އޭނާގެ ބަންދާއިމެދު ގޮތެއް ނިންމަން ކްރިމިނަލް ކޯޓަށް އިއްޔެ ހާޒިރުކުރުމުން، 10 ދުވަހަށް ބަންދު ކުރަން އަމުރު ކޮށްފައެވެ.
Ads by Hajj Corporation
އެ ކޯޓު އަމުރުގައިވާ ގޮތުން އޭނާ ދުއްވަން އިން ޕިކަޕުގެ ތެރެއިން ގިނަ އަދަދެއްގެ ބަނގުރާ ވަނީ ފެނިފައެވެ.
ބިދޭސީ މީހާގެ މި ކުށުގައި ބައިވެރިވިކަމަށް އޭނާގެ ސްޕޮންސަރ އަށް ޤަބޫލުކުރެވޭތީ އޭނާ ޑީޕޯޓުކޮށްލަން ޖެހިއްޖެ ނަމަ، އެފަދަ ޙާލަތެއްގައި އެކަމަށް އެއްބާރުލުންދޭނެ ކަމަށް ބުނެ ސިޓީއެއް ހުށަހަޅާފައިވާ ކަމަށް ވެސް އަމުރުގައި ބަޔާން ކުރައްވައިފައިވެއެވެ.
ރާއްޖޭގައި ބަނގުރާ ބޭނުންކުރުމުގެ މައްސަލަތައް އިތުރުވަމުން އަންނައިރު، މިފަދަ މައްސަލަތަކުގައި ރާއްޖޭގައި އުޅޭ ބިދޭސީންގެ ބައިވެރިވުން ވެސް އަންނަނީ އިތުރުވަމުންނެވެ.
