މުޢިއްޒުގެ ވެރިކަމުގައި އަށް ކުންފުންޏެއް ހިންގަވާނީ އަންހެން ބޭފުޅުން
އިންތިޚާބީ ރައީސް ޑރ.މުޙައްމަދު މުޢިއްޒުގެ ސަރުކާރުގައި އަށް ކުންފުންޏެއްގެ މެނޭޖިން ޑިރެކްޓަރުގެ މަޤާމުގައި ހުންނަވާނީ އަންހެން ބޭފުޅުން ކަމަށް އެމަނިކުފާނު ވިދާޅުވެއްޖެއެވެ.
ރޭ ބޭއްވި "ނޫސްވެރިންގެ ގުންޒަރު"ގައި މުޢިއްޒު ވަނީ މީޑިއާ ދާއިރާއަށް އެމަނިކުފާނުގެ ވިސްނުންފުޅުގައި ހުރި ކަންކަން ހާމަކުރައްވާފައެވެ.
އެގޮތުން މީޑިއާތަކަށް ހުރި މާލީ ދަތިތައް ޙައްލު ކުރެއްވުމާއިއެކު ސަރުކާރުގެ މަތިފަޑީގައި އަންހެނުންގެ ދައުރު އިތުރު ކުރައްވަވާނެ ކަމަށް ވިދާޅުވިއެވެ.
އެގޮތުން އަންހެން ބޭފުޅުން ސަރުކާރުގެ މަތީފަޑީގައި އިތުރު ކުރުމަކީ ވީ ވަޢުދެއް ކަމަށާއި، ސަރުކާރުގެ ކުންފުނިތަކުގެ ތެރެއިން މަދުވެގެން 8 ކުންފުންޏެއް ހިންގަވާނީ އަންހެން ބޭފުޅުން ކަމަށް މުޢިއްޒު ވިދާޅުވިއެވެ.
"މިއީ މިހާތަނަށް [ސަރުކާރެއްގެ އިސް މަގާމުތަކުގައި އަންހެން ބޭފުޅުން ތިއްބަވާނެ] އެންމެ ގިނަ އަދަދު. އަޅުގަނޑަށް މިހާތަނަށް ލިބުނު މަޢުލޫމާތަށް ބަލާއިރު ދެ ކުންފުންޏަށް ވުރެ ގިނައިން އެއްވެސް ސަރުކާރެއްގައި ނެތް އަންހެން ބޭފުޅުން ކުންފުނި ހިންގައިފައެއް،" މުއިއްޒު ވިދާޅުވިއެވެ.
މުޢިއްޒުގެ ވާހަކައިގައި ތިން މިނިސްޓްރީއެއް ހިންގަވާނީ އަންހެނުންކަން ފާހަގަކުރައްވައި، މޯލްޑިވްސް ނޭޝަނަލް ޔުނިވާސިޓީގެ ވައިސް ޗާންސެލަރުކަން ވެސް ކުރައްވާނީ އަންހެން ބޭފުޅެއް ކަމަށް ވިދާޅުވިއެވެ.
މުޢިއްޒު ވިދާޅުވީ އަންހެން ބޭފުޅުންނަކީ ދައުލަތް ހިންގުމުގައި ފުރިހަމަ ހިއްސާ ދެވެން ޖެހޭނެ ބައެއްކަން ޤަބޫލު ކުރައްވާ ކަމަށެވެ.
އަންނަ އަހަރުގެ މަޖިލީސް އިންތިޚާބުގައި ވެސް ވީހާ ވެސް ގިނަ އަންހެން ބޭފުޅުން ކުރިމަތިލުމަށް އެމަނިކުފާނު އެދިވަޑައިގެންފައިވެއެވެ.
ކަބަލުން ލައިގެންވެސް މިކަންކަން ކޮށްލަދީބަލަ
1/ ދައުލަތުގެ މާލިއްޔަތުން ވައްކަން ކުރުން ހުއްޓުވުން.
2/ މާލޭ މަގުގައި ހެދުފައިވާ ވަޅުގަޑުތަށް މިހާރުން މިހާރަށް ރަގަޅުކޮށްދިނުން ބަޔެއް ހިސާބުތަކުން ވެހިކަލް ދުއްވުން ނުރައްކާ ހިސާބުގައި.
3/ އޮފިސް ތަކުގެ ކައިރީިގައި ފަސޭހައިން ވެހިކަލް ޕާކުކުރެވޭ އިންތިޒާމް .