މަސްތުވާތަކެތި ގެންގުޅު މީހަކު ހުއްޓުވަން އުޅެނިކޮށް ފުލުހަކަށް އަނިޔާ ވެއްޖެ

މަސްތުވާތަކެތި ގެންގުޅުނު މީހަކު ހުއްޓުވަން އުޅެނިކޮށް ފުލުހަކަށް އަނިޔާވެއްޖެއެވެ.

Ads by STELCO

މިކަން ހިނގައިފައި ވަނީ މިރޭ 8:19 ހާއިރުއެވެ.

މިކަމާއި ގުޅޭ ގޮތުން ފުލުހުން މިރޭ ވިދާޅުވީ، ޖަނަވަރީ މަގުން ފުލުހުން ޕެޓްރޯލް ކުރަމުން ދިޔައިރު މަސްތުވާތަކެތި ގެންގުޅޭ ކަމަށް ތުހުމަތި ކުރެވުނު މީހަކު ހުއްޓުވަން އުޅުމުގެ ތެރޭގައި ފުލުހަކަށް އަނިޔާވެފައިވާ ކަމަށެވެ.

ފުލުސް މީހާއަށް ލިބުނު އަނިޔާގެ ތަފްސީލެއް ފުލުހުން ނުދެއްވައެވެ.

ފުލުހުން ވިދާޅުވީ މި މައްސަލައާ ގުޅިގެން 37 އަހަރުގެ ދިވެހި ފިިރިހެނަކު ހަަައްޔަރު ކޮށްފައިވާ ކަމަށެވެ. މި މައްސަލަ ތަޙުޤީޤު ކުރަމުންދާ ކަމަށް ވެސް ބުންޏެވެ.

މި ހާދިސާގައި އަނިޔާވި ފުލުސް މީހާގެ އަނގަމަތި ފަޅަައިގެން ގޮސްފަައިވާ މަންޒަރު ފެންނަ ވީޑިއޯއެއް ވަނީ އާންމުވެފަައެވެ.