ފަޤީރުންގެ ދަފްތަރުގައި ހިމެނޭ ފަރާތްތަކުގެ ހާލަތު ދެނެގަންނަ ފޯމް ހުށަހަޅަން އަންގައިފި
ފަޤީރުންނާއި މިސްކީނުންގެ ދަފްތަރުގައި ތިބި ފަރާތްތަކުގެ ހާލަތު ދެނެގަންނަ ފޯމް ހުށައެޅުމަށް އިސްލާމިކް މިނިސްޓްރީން އަންގައިފިއެވެ.
އެ މިނިސްޓްރީން މި ފޯމު ހުށަހެޅުމަށް އަންގާފައި ވަނީ 2021 ވަނަ އަހަރުން 2023 ވަނަ އަހަރަށް ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ފަރާތްތަކަށެވެ.
އިސްލާމިކް މިނިސްޓްރީން ބުނީ މި ފޯމް ބަލައިގަންނަން ފަށާނީ ޑިސެމްބަރ މަހުގެ 3ވަނަ ދުވަހުން ފެށިގެން ޑިސެމްބަރ 25 ވަނަ ދުވަހުގެ މެންދުރު 12:00ގެ ނިޔަލަށް ކަމަށެވެ.
އެގޮތުން މި މުއްދަތުގެ ތެރޭގައި ރަސްމީ ބަންދުނޫން ކޮންމެ ދުވަހެއްގެ ހެނދުނު 9:15 އިން 11:45 އަށް އިސްލާމިކް މިނިސްޓްރީގެ ކައުންޓަރުން ފޯމު ބަލައިގަތުމުގެ ކަންކަން ކުރިއަށްދާނެ ކަމަށް އެ މިނިސްޓްރީން ހާމަކުރެއެވެ.
ހަމަ އެހެންމެ އެ މުއްދަތުގެ ތެރޭގައި ފަގީރުންގެ ދަފްތަރުގައި ހިމެނޭ މީހުންގެ ޙާލަތު ދެނެގަންނަ ފޯމް ހުށަނާޅާ ފަރާތްތައް ދަފްތަރުން އުނިކުރެވޭނެ ކަމަށްވެސް އެ މިނިސްޓްރީން ބުނެފައި ވެއެވެ.
އިސްލާމިކް މިނިސްޓްރީން ބުނީ ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވި ފަހުން ރަޖިސްޓްރީވެފައިވާ ރަށް ފިޔަވައި އެހެން ރަށަކަށް ދިރިއުޅުން ބަދަލުކޮށްފައިވާ މީހުންނާއި ދަފްތަރުގައި ރަޖިސްޓްރީވި ފަހުން ކައިވެނީގެ ހާލަތަށް ބަދަލު އައިސްފައިވާ މީހުން އެ ފޯމް ހުށައަޅަން ޖެހޭނެ ކަމަށެވެ.
އަދި ވަޒީފާ ލިބި ދިރިއުޅުމުގެ ހާލަތު ބަދަލުވެފައިވާ މީހުންނާއި މި އަހަރުގެ ދަފްތަރުގައި ރަޖިސްޓްރީވި ފަހުން 18 އަހަރު ފުރިފައިވާ ފިރިހެނުންނާއި 65 އަހަރު ފުރިފައިވާ މީހުންނާއި އަންނަ މަހުގެ 25 ގެ ނިޔަލަށް 18 އަހަރު ފުރޭ ފިރިހެނުން ނުވަތަ 65 އަހަރު ފުރޭ ފަރާތްތަކުން މި ފޯމް ހުށައަޅަން ޖެހޭނެ ކަމަށްވެސް އެ މިނިސްޓްރީން ބުނެފައި ވެއެވެ.
ތި ފޯމު ހުށަހަޅަން ޖެހެނީ ހަމައެކަނި މާލޭގެ ރަށްވެހިނައް ތޯ؟ ޜާއްޖޭގެ އެހެން ރަށްރަށުގެ މީހުން ނަށް ތި ފޯމު ހޯދަން ދަތުރުކޮށްފަ އަންނަން ވީތޯ؟ ލިޔުން ތެރިޔާ މިކަމަށް ފޯކަސް ނުކޮށް ެޮތީމަ