މާދަމާ މާލެއާއި ހުޅުމާލޭގެ ބައެއް ސަރަޙައްދުތަކުން ކަރަންޓު ކެނޑިދާނެ

ހުކުރު ދުވަހު ހެނދުނު މާލޭގެ ބައެއް ސަރަޙައްދުތަކުން ކަރަންޓުގެ ޚިދުމަތް މެދުކެނޑޭނެ ކަމަށް ސްޓެލްކޯ އިން ބުނެފިއެވެ.

Ads by Sosun Fihaara

ސްޓެލްކޯ އިން ބުނީ އެކުންފުނީގެ ހުޅުމާލެ އިންޖީނުގޭގައި ކޮންމެހެން ކުރަން ޖެހޭ ކޮންޓްރޯލް ސިސްޓަމްގެ މަސައްކަތެއް 15 ޑސެމްބަރު ވާ ހުުކުރު ދުވަހުގެ ހެނދުނު 6:30 ން 9:30 އަށް ކުރުމަށް ހަމަޖެހިފައިވާ ކަމަށެވެ.

އެހެންވެ، މި ވަގުތުތަކުގައި، ބައެއް ސަރަޙަައްދުތަކުން ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް އެ ކުންފުނިން ބުނެއެވެ. ސްޓެލްކޯ އިން ވަނީ، ކަރަންޓު ނެތުމުން ދިމާވެދާނެ ދަތިތަކަށްޓަކައި މަޢާފަށް ވެސް އެދިފައެވެ.