ތިން ކޮމިޓީއެއް އެކުލަވާލަން ހެލްތު މިނިސްޓްރީން އެދިއްޖެ
ސިއްހީ ދާއިރާ ކުރިއެރުވުމަށް ސިއްހީ ދާއިރާގެ ތަޖުރިބާ ހުރި ފަރާތްތަކުގެ އިރުޝާދު ހޯދުމަށްޓަކައި، ތިން ކޮމިޓީއެއް އެކުލަވާލަން ހެލްތު މިނިސްޓްރީން އެދިއްޖެއެވެ.
މިކަން ހާމަކުރައްވާފައި ވަނީ ރައީސް އޮފީހުގައި މިއަދު އޮތް ޕްރެސް ކޮންފަރެންސްގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަބްދުﷲ ނާޒިމް އެވެ.
ނާޒިމް ވިދާޅުވީ ސިއްހީ ދާއިރާ އަށް ދިމާވާ ބޮޑެތި މައްސަލަތައް ހައްލު ކުރުމާއި އެ ދާއިރާ ކުރިއެރުވުމުގައި ތަޖުރިބާ ހުރި ފަރާތްތަކުގެ ލަފަ އާއި އިރުޝާދު ހޯދުމުގައި މިނިސްޓަރަށް ލަފާ ދޭ ތިން ކޮމިޓީއެއް އެކުލަވާލަން ހެލްތު މިނިސްޓްރީން ކަރުދާހެއް ހުށަހަޅާފައިވާ ކަމަށެވެ.
އެގޮތުން ހެލްތު މިނިސްޓްރީން އެކުލަވާލަން ހުށަހަޅާފައިވާ ތިން ކޮމިޓީއަކީ، ހެލްތު އެޑްވައިޒަރީ ކޮމިޓީ، ޕަބްލިކް ހެލްތު އެޑްވައިޒަރީ ކޮމިޓީ، އަދި ކިިއުރޭޓިވް ހެލްތުކެއާގެ އެޑްވައިޒަރީ ކޮމިޓީ ކަމަށް ނާޒިމް ވިދާޅުވެފައި ވެއެވެ.
