އެޗްޕީއޭ އިން ދިވެހިބަހުން ބަޔާން ނުނެރޭތީ ހިތްހަމަ ނުޖެހިގެން ތައްޔިބު ޓެގް ކުރީ ރާއްޖޭން ބޭރު މީހަކަށް
އެޗްޕީއޭ އިން ނެރޭ ބަޔާންތަކުގައި އިނގިރޭސި ބަސް ބޭނުންކޮށްފައި ހުންނާތީ އެކަމާ ހިތްހަމަ ނުޖެހިގެން ފޭސްބުކްގައި ކުރި ޕޯސްޓެއްގައި ޓޫރިޒަމް މިނިސްޓްރީގެ ސީނިއާރ އެގްޒެކެޓިވް ޑިރެކްޓަރ ތައްޔިބު ޝަހީމް ބޭރު މީހަކު ޓެގް ކޮށްފިއެވެ.
އެޗްޕީއޭ އިން އިނގިރޭސި ބަހުން ނެރެފައިވާ ދެ މޮނިޓަރިންގ ނޯޓިސް އެއް ހިއްސާކުރައްވާ ތައްޔިބު ޓެގު ކޮށްފައިވަނީ އަލީ އަޝްރަފް ކިޔާ ބޭރު މީހެކެވެ. އޭނާ ޓެގުކޮށްފައި މިވާ އަލީ އަޝްރަފް އަކީ ބޭރުގެ ލަވަކިޔާ މީހެއްގެ ޕޭޖެއްކަމަށް ބެލެވެއެވެ.
އޭނާ ކުރި ޕޯސްޓުގައި ބުނެފައިވަނީ ދިވެހި ދައުލަތުގެ ހުރިހާ ލިޔެކިޔުމެއް މިހާރު މިހާރު އިނގިރޭސި ބަހަށް ބަދަލުވެ ނިމިއްޖެ ކަމަށެވެ. އަދި ބޭރުގެ މި ލަވަކިޔާ އަލީ އަޝްރަފް ޓެގު ކުރައްވާ ގާނޫނުތައް ނެތީތޯ ތައްޔިބު ސުވާލު އުފައްދާފައި ވެއެވެ.
ތައްޔިބު ޓެގު ކުރަން އުޅެފައިވާކަމަށް ބެލެވެނީ ދިވެހި ބަހުގެ އެކަޑަމީގެ ރައީސް އަޝްރަފް ޢަލީ އެވެ. ނަމަވެސް ޓެގު ކޮށްފައިވަނީ ބޭރުގެ ލަވަކިޔުންތެރިއެކެވެ.
އެޗްޕީއޭ އިން ނެރޭ ގިނަ އެންގުންތަކާއި ބަޔާންތައް ދެ ބަހުންވެސް ނެރޭ ކަން ފާހަގަ ކުރެވެއެވެ. ދިވެހި ބަހާއި އިނގިރޭސި ބަހުން ވެސް އެޗްޕީއޭގެ ގިނަ އެންގުންތައް މިހާތަނަށް ވެސް ވަނީ ނެރެފައެވެ.
ތިޔައީ މިޒަމާނުގެ “ހަންމާ ލަތަލް ހަތަބް” އޭގެ ފިރިހެން ވައްތަރެއް މިދިވެހި އުއްމަތަށް ލައްވާލައިފަ މިހުރީ.. އެއްވެސް ފެންވަރެއް ނުހުންނާނެ ކާޅެއް ހެން ހޭރޭ ވަގެއް..