ފުވައްމުލަކުގައި ބްރެޒިލް ފަތުރުވެރިއެއްގެ ތަކެތި ވަގަށް ނެގި މައްސަލައެއް
ފުވައްމުލަކު ސިޓީ ގައި ޗުއްޓީ ހޭދަކުރަމުންދާ ބްރެޒިލުގެ ފަތުރުވެރިއެއްގެ ދަބަހާއި، ޑްރޯނެއް ވަގަށް ނެގި މައްސަލައެއް ފެންމަތިވެއްޖެއެވެ.
ޝޯޝަލް މީޑިއާގައި ދަނީ ފަތުރުވެރިޔާ، އެކަން ހިނގި ގޮތް ކިޔައިދޭ ވީޑިއޯ އެއް ދައުުރު ކުރުވަމުންނެވެ. އެ މީހާ ކިޔައިދިން ގޮތުން އެކަމެއް ހިނގާފައި ވަނީ އޭނާ ޑުރޯން ދުއްވަން އުޅެފައި މޫދަށް އެރުން ގަޑީގައެވެ.
ޑްރޯން ދުއްވަން ހުއްޓައި އުމުރުން 15 އަހަރާއި 17 އަހަރާއި ދެމެދުގެ ދެކުދިން އޭނާ ގާތުގައި އެއާއި ބެހޭ ގޮތުން ސުވާލުކުރިއެވެ. އޭގެ ފަހުން މޫދަށް އެރި އުޅެނިކޮށް ސައިކަލުގައި އައި ބަޔަކު އޭނާގެ ދަބަހާއި ޑްރޯން ގެންދިޔަ ކަމަށް އެ ފަތުރުވެރިޔާ ކިޔައިދިނެވެ.
ދަބަސް ތެރޭގައި ފޯނަކާއި، ވޮލެޓެއްގެ އިތުރުން މުހިއްމު ލިޔެކިޔުންތަކެއް ހުންނާނެ ކަމަށް ފަތުރުވެރިޔާ ބުންޏެވެ. ވޮލެޓުގައި 200 ޑޮލަރާއި 1،500 ރުފިޔާ އަދި ކްރެޑިޓުކާޑުތަކެއް އޮންނާނެ ކަމަށެވެ.
ގެއްލުނ ތަކެތި އަނބުރާ ދިނުމަށް އޭނާ ވަނީ އެދިފައެވެ. އެ މައްސަލަ ފުލުހުން ދަނީ ބަލަމުންނެވެ.
