ހުޅަނގުގެ ގައުމުތަކާ އެކު ރަނގަޅު ގުޅުމެއް ބާއްވަން ބޭނުންނަމަ ޗައިނާއިން ރަޝިޔާއަށް އެހީވުން ހުއްޓާލަން ޖެހޭ: ނޭޓޯ
ހުޅަނގުގެ ގައުމުތަކާ އެކު ރަނގަޅު ގުޅުމެއް ބާއްވަން ބޭނުންނަމަ ޗައިނާއިން ޔޫކްރެއިންގައި ކުރަމުންދާ ހަނގުރާމައަށް ތާއީދުކުރުން ހުއްޓާލަން ޖެހޭ ކަމަށް ނޭޓޯގެ ސެކްރެޓަރީ ޖެނެރަލް ޖެންސް ސްޓޮލްޓެންބާގް ވިދާޅުވެއްޖެ އެވެ.
ހުޅަނގުގެ އަސްކަރީ އިއްތިހާދުގެ ވެރިޔާ ބާލިންއަށް ކުރެއްވި ދަތުރުފުޅުގައި ވިދާޅުވީ ސެމީކޮންޑަކްޓަރުފަދަ މަތީ ފަންތީގެ ޓެކްނޮލޮޖީތައް ހިއްސާކޮށް ރަޝިއާގެ ހަނގުރާމައިގެ އިގްތިސާދު ކުރިއެރުވުމަށް މޮސްކޯއިން ކުރަމުންދާ މަސައްކަތަށް ބެއިޖިންގެ އެހީތެރިކަން ވަރަށް މުހިންމު ކަމަށެވެ.
"މިދިޔަ އަހަރު ރަޝިއާއިން ވަނީ އެ ގައުމުގެ މައިކްރޯ އިލެކްޓްރޯނިކްސްގެ 90 ޕަސެންޓް ޗައިނާއިން އެތެރެކޮށް، މިސައިލާއި ޓޭންކް އަދި މަތިންދާ ބޯޓު އުފައްދަމުން. އަދި ރަޝިއާއަށް ރަނގަޅު ސެޓެލައިޓް ކެޕޭސިޓީއާއި އިމޭޖިން ފޯރުކޮށްދިނުމަށް ވެސް ޗައިނާއިން ދަނީ މަސައްކަތް ކުރަމުން،" ސްޓޯލްޓެންބާގް ވިދާޅުވި އެވެ.
ޗައިނާއިން ބުނަނީ ހުޅަނގާއެކު ރަނގަޅު ގުޅުމެއް ބާއްވަން ބޭނުންވާ ކަމަށެވެ. އަދި ދެވަނަ ބޮޑު ހަނގުރާމައަށްފަހު ޔޫރަޕްގައި ހިނގަމުންދާ އެންމެ ބޮޑު ހަތިޔާރުއެޅި ހަމަނުޖެހުންތަކަށް ބެއިޖިންއިން ދަނީ ބާރުއަޅަމުންނެވެ. އެމީހުންނަށް ދެ ގޮތަކަށް ވެސް އެކަން ނުކުރެވޭނެ،" އޭނާ އިންޒާރު ދެއްވި އެވެ.
ސްޓޮލްޓެންބާގް ވަނީ ހުޅަނގުގެ ބައިވެރިން ރަޝިއާއަށް ބަރޯސާވާ ފަދައިން ޗައިނާއަށް ބަރޯސާނުވުމަށް އިންޒާރު ދެއްވާފައެވެ.
"މީގެ ކުރިން ރަޝިއާގެ ތެލާއި ގޭހަށް ބަރޯސާވުމުގެ ގޯހެއް ހެދީ،" އޭނާ ވިދާޅުވި އެވެ.
ޗައިނާއާ އެކު އެ ގޯސް ތަކުރާރުކޮށްގެން ނުވާނެ އެވެ. އޭގެ ފައިސާއާއި، އޭގެ ރޯ މެޓީރިއަލްއާއި، އޭގެ ޓެކްނޮލޮޖީތަކަށް - ޑިޕެންޑެންސީތަކުގެ ސަބަބުން އަޅުގަނޑުމެން ނާޒުކުވެގެން ދެއެވެ."
މިފަހަކަށް އައިސް ޗައިނާއިން ވަނީ ރަޝިޔާއާ އެކު ވިޔަފާރީގެ އަދި އަސްކަރީ ގުޅުން ތައް ބަދަހިކޮށްފައި މިވަނީ އެމެރިކާ އާއި އެ ގައުމުގެ ބައިވެރިން އެ ދެ ގައުމަށް ދަތިކުރުމުގެ ފިޔަވަޅު އެޅުމުން ކަމަށާއި ހާއްސަކޮށް ޔޫކްރެއިންއަށް އަރައިގަތުމާ ގުޅިގެން މޮސްކޯ އިން ވަނީ ރަޝިއާއާ ދެކޮޅަށް ދަތިކުރުމުގެ ފިޔަވަޅު އަޅާފަ އެވެ.
