ސިވިލް ސާވިސް ކޮމިޝަނަށް 4 ބޭފުޅަކު އައްޔަނު ކުރައްވައިފި

ސިވިލް ސާވިސް ކޮމިޝަނުގެ މެންބަރުކަމަށް 4 ބޭފުޅަކު އައްޔަނު ކުރައްވައިފިއެވެ.

Ads by Hajj Corporation

މިއަދު މެންދުރު ރައީސް އޮފީހުގައި ބޭއްވުނު ރަސްމިއްޔާތުގައި، 4 ބޭފުޅުންނަށް ސިވިލް ސާވިސް ކޮމިޝަންގެ މެންބަރުކަމުގެ ލިޔުން ހަވާލު ކޮށްދެއްވީ ރާއްޖޭގެ ރައީސުލްޖުމްހަޫރިއްޔާ އިބްރާހިމް މުޙައްމަދު ޞާލިހެވެ.

ސީއެސް ގެ މެންބަރުކަމަށް މި 4 ބޭފުޅުން އައްޔަނު ކުރުމުގެ ކުރިން، މި 4 ބޭފުޅުން ވެސް ވަނީ މެންބަރު ކަމުގެ ހުވާ ކުރައްވާފައެވެ. މި 4 ބޭފުޅުންނަށް ހުވާ ލައިދެއްވީ ސުޕްރީމް ކޯޓުގެ ފަނޑިޔާރު އަލްއުސްތާޛާ ޢާއިޝާ ޝުޖޫން މުޙައްމަދެވެ.

އެ ކޮމިޝަންގެ މެންބަރުކަމަށް އައްޔަން ކުރެއްވި ބޭފުޅުންގެ ތެރޭގައި ހިމެނިވަޑައިގަންނަވަނީ ގދ. ތިނަދޫ މާކޯޅި، ފާޠިމަތު ޝަރީފާއި، ރ. މީދޫ ބްލެކް، އިބްރާހީމް ރަޝީދާއި، ހ. ޓޫހާޓްސް، މުޙައްމަދު ފަރުޞަތާއި، މ. ފަލްކަންގެ، މުޙައްމަދު ނާޞިހެވެ.