ހިޖުރީ އައު އަހަރު ފެށޭ ދުވަހަށް ބަދަލެއް ނާދޭ, އަންނަ އާދީއްތަ ދުވަސް ބަންދު

1446 ވަނަ އަހަރުގެ ހިޖުރީ އައު އަހަރު ފެށޭ ދުވަހަށް އެއްވެސް ބަދަލެއް ނާންނާނެ ކަމަށް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއްޖެއެވެ.

Ads by STELCO

އެވުޒާރާއިން ވިދާޅުވީ ސަޢުދީ ޢަރަބިއްޔާއާއި ރާއްޖެއާ އަރަފާތްދުވަސް އެއްގޮތް ކުރުމަށްޓަކައި ޙައްޖުމަހު ކަލަންޑަރަށް ބަދަލުގެނައި ނަމަވެސް ހިޖުރީ އައު އަހަރު ފެށޭ ދުވަހަށް ބަދަލު ނާންނަކަމަށެވެ.

އެހެންކަމުން މިހިނގާ ޖުލައި 6 ވަނަ ދުވަހަކީ 1445 ވަނަ އަހަރުގެ ޛުލްޙިއްޖާ މަހުގެ 30 ވަނަ ދުވަސް ކަމަށާއި، ކުރިއެކޭވެސް އެއްފަދައިން 1446 ވަނަ އަހަރުގެ މުޙައްރަމް މަހުގެ ފުރަތަމަ ދުވަހަކީ މިޖުލައި މަހުގެ 7 ވަނަ ދުވަސްކަމަށް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއެވެ.

އަދި ހިޖުރީ ކަލަންޑަރަށް އެއްވެސް ބަދަލެއް ގެންނަން ނުޖެހޭކަމަށްވެސް އެވުޒާރާއިން ވިދާޅުވެއެވެ.