ޗައިނާ އެހީގައި ހިންމަފުށީގައި 165 ސޯލާ މަގުބައްތި ޖަހައިފި
ޗައިނާ ސަރުކާރުގެ ހިލޭ އެހީގެ ދަށުން ކ. ހިންމަފުށީގެ މަގުތަކުގައި ސޯލާ މަގުބައްތި ޖެހުމަށް ހިންގި މި މަޝްރޫޢުގެ ދަށުން އެ ރަށުގައި 165 ބައްތި ޖަހައިފި އެވެ.
ސޯލާ މަގު ބައްތިތައް ދިއްލުމުގެ ރަސްމިއްޔާތުގައި ލޯކަލް ގަވަނަންސް މިނިސްޓަރު އާދަމް ޝަރީފް ވިދާޅުވީ މި ޖެހި ސޯލާ ބައްތީގެ ސަބަބުން ރައްޔިތުންގެ ރައްކާތެރިކަން އިތުރުވުމާއެކު، ކާބަން ފުޑް ޕްރިންޓް ކުޑަ ކުރެވިގެންދާނެ ކަމަށެވެ.
ޗައިނާއިން ދިވެހިރާއްޖެއަށް ކަނޑައަޅައިފައި ހުންނަވައި ސަފީރު ވެސް ބައިވެރިވެވަޑައިގެންނެވި މި ރަސްމިއްޔާތުގައި މިނިސްޓަރު ވިދާޅުވީ ޗައިނާއަކީ ބައިނަލްއަގުވާމީ މަޝްރަޙުގައި ރާއްޖެއަށް އެންމެ ބޮޑު އެހީތެރިކަމެއް ފޯރުކޮށްދެއްވާ އެއް ފަރާތް ކަމަށެވެ. އަދި ޗައިނާ ސަރުކާރަށް ޝުކުރު އަދާ ކުރެއްވި އެވެ.
އިއްޔެ ހަވީރު ބޭއްވި މި ރަސްމިއްޔާތުގައި ޗައިނާގެ ސަފީރު ވެސް ވާހަކަފުޅު ދެއްކެވިއެވެ. މި ރަސްމިއްޔާތަށް ޓަކައި ވަޒީރާއި، ޗައިނާ ސަފީރު ހިންމަފުއްޓަށް ވަޑައިގަތުމުން ހިންމަފުށިން ހޫނު މަރުުޙަބާއެއް ކިޔައިފައިވެއެވެ.
