މާލޭގެ ގެއަކުން އިލެކްޓްރޯނިކް ސާމާނުތަކެއް ވަގަށް ނެގި ދެ މީހަކު ހައްޔަރުކޮށްފި
އިލެކްޓްރޯނިކް ސާމާނުތަކެއް ވަގަށް ނެގި މައްސަލައެއް ގައި ދިވެހި ދެ ފިިރިހެނަކު މިއަދު ހައްޔަރުކޮށްފި އެވެ.
މީޑިއާ ގްރޫޕަށް މިއަދު ފޮނުވި މެސެެޖެއްގައި ފުލުހުން ބުނީ އެއީ އިއްޔެ ހަވީރު 4:05 ހާއިރު މާލެ ގެއެއްގެ ތެރޭގައި ހުރި މީހެއް އަތުން ވަގަށް ނަގާފައިވާ ކަމަށް ޝައްކު ކުރެވޭ އިލެކްޓްރޯނިކް ސާމާނުތަކެއް ފެނުނު މައްސަލަ ކަމަށެވެ.
އެ މައްސަލާގައި ހައްޔަރުކުރި ދެ މީހުންނަކީ ކ. މާލެ, މ. ދާރުލްގަރާރު، އުމުރުން 30 އަހަރުގެ އިސްމާއިލް ވިޝާލް އާއި ބ. ދަރަވަންދޫ، ވިދުވަރު، އުމުރުން 32 އަހަރުގެ ހުސެއިން ސާއިފެވެ.
ފުލުހުން އިތުރަށް ބުނީ އެ މައްސަލަ ތަހުގީގުކުރަމުންދާ ކަމަށެވެ.
އެ މީހުން އަތުން ފެނުނީ އިލެކްޓްރޯނިކް ކޮން ސާމާނުތަކެއް ކަމެއް ފުލުހުން ހާމައެއް ނުކުރެ އެވެ.
ވައްކަމުގެ މައްސަލަތައް އިތުރުވަމުންދާއިރު މީހުންގެ އަގު ބޮޑެތި މުދާ ވަގަށް ނަގައިގެން ނުއަގުގައި ވިއްކަމުން ދަނިކޮށް މީގެ ކުރިން މީހުން ހައްޔަރުކޮށްފައިވެ އެވެ.
މިހާރު އެމީހުންދޫކޮއްފަ ތިބޭނީ މާދަމަ އެހެންގެއަކުން ވައްކަންކުރާނީ ހަލެއްނެތް ކަމެއް