އަނެއްކާވެސް ކުކުޅުތަކެއްގެ ވެރިފަރާތް ހޯދަން ފުލުހުން އިއުލާންކޮށްފި

އަނެއްކާވެސް ކުކުޅުތަކެއްގެ ވެރިފަރާތް ހޯދަން ފުލުހުން އިއުލާންކޮށްފި އެވެ.

Ads by STELCO

ފުލުހުން މިއަދު އެކްސްގައި ކުރި ޕޯސްޓެއްގައި ބުނީ އެ ގަނޑުކުރި ކުކުޅުތަކަކީ މެންދުރުފަހުގެ ވަގުތެއްގައި މާލޭން ހުޅުމާލެ ލަކުޑި ޖެޓީއަށް ދަތުރުކުރި ޓެކްސީއެއްގެ ޑިކީ ތެރެއިން ފެނުނު އެއްޗެއް ކަމަށެވެ.

އެއާއެކު ޗިކަން ނަގެޓްސް އަދި ފިޔާތަކެއް ވެސް ފެނުނު ކަމަށް ފުލުހުން ބުނެފައިވެ އެވެ.

"އެ ތަކެތީގެ ވެރިފަރާތުން، ހުޅުމާލެ ފޭސް 1 ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވުމަށް ދަންނަވަން. އިތުރު މައުލޫމާތު ސާފުކުރެއްވުމަށް ގުޅުއްވާނީ ހުޅުމާލެ ފޭސް 1 ޕޮލިސް ސްޓޭޝަނުގެ ނަންބަރު 9980062 އަށް." ފުލުހުންގެ ޕޯސްޓުގައި ބުންޏެވެ.

ހުޅުމާލެއިން ހޮވައިގެން ގެނެސްފައިވާ ކުކުޅު ކޭހެއްގެ ވެރިފަރާތް ހޯދަން ވެސް މިިދިޔަ މަހުގެ 25 ވަނަ ދުވަހު ފުލުހުން އިއުލާންކުރި އެވެ.