ހައްދެއް ނެތި ހަނގުރާމަތަކަށް ހޭދަކުރާއިރު ކްލައިމެޓް ޗޭންޖަށް އެކަށީގެންވާ ފަންޑު ނުލިބޭ: ރައީސް
ހައްދެއް ނެތި ހަނގުރާމަތަކަށް ހޭދަކުރާއިރު ކްލައިމެޓް ޗޭންޖުގެ މައްސަލަތަކަށް އެެކަށީގެންވާ ފަންޑު ނުލިބޭތީ ރައީސް ޑރ، މުހައްމަދު މުއިއްޒު ކަންބޮޑުވުން ފާޅުކުރައްވައިފި އެވެ.
އަޒަރުބައިޖާންގެ ބަކޫގައި މިހާރު ކުރިއަށްދާ ކޮޕް ސަމިޓްގައި ރައީސް ދެއްވި ޕްލިނަރީ ސްޓޭޓްމަންޓްގައި ރައީސް މުއިއްޒު ވިދާޅުވީ ކްލައިމެޓް ފައިނޭންސްގެ އަމާޒަށް ވާސިލުވުމަށް ކްލައިމެޓް ޗޭންޖާ ގުޅިގެން ކުރިމަތިވެފައިވާ ކާރިސާއަށް ފުރިހަމައަށް ރިއާޔަތްކުރަން ޖެހޭ ކަމަށެވެ.
އަދި އެކަމަށް ބޭނުންވާ ފައިސާގެ އަދަދު އުޅެނީ ބިލިއަނުން ގުނާލެވޭ އަދަދުތަކުގައި ނޫން ކަމަށާއި އޭގެ ބަދަލުގައި އެތަކެއް ޓްރިލިއަންއަށް އަރާ ކަމަށެވެ.
އަދި ހަމަ އެހެންމެ ކްލައިމެޓް ފައިނޭންސްގައި ތަރައްގީ ވަމުން އަންނަ ކުދި ގައުމުތަކަށް ހާއްސަ އިސްކަމެއް ދޭން ޖެހޭ ކަމަށް ވެސް އެމަނިކުފާނު ވިދާޅުވި އެވެ.
ރައީސް މުއިއްޒު ވިދާޅުވީ ދުނިޔޭގެ އެކި ކަންކޮޅުތަކަށް ބަލާލާއިރު ފެންނަނީ ހަނގުރާމަތަކަށް ހައްދެއް ނެތި ފައިސާ ހޭދަކުރާ މަންޒަރު ކަމަށާއި އެހެން ނަމަވެސް ކްލައިމެޓް އެޑެޕްޓޭޝަންއަށް އެގޮތަށް ހަރަދުތައް ކުރަން ވެއްޖެނަމަ ފާޑުކިއުންތައް އަމާޒުވާ ކަމަށެވެ.
އެހެންކަމުން އިންޓަނޭޝަނަލް ފައިނޭންޝަލް ސިސްޓަމް ރިވައިސްކުރަން ޖެހޭ ކަމަށް އެމަނިކުފާނު ވިދާޅުވި އެވެ.
ރައީސް ވިދާޅުވީ މި އަހަރުގެ ކޮޕް ސަމިޓުން ތަފާތު ނަތީޖާއެއް ނެރެވޭނެ ކަމަށް އުއްމީދުކުރައްވާ ކަމަށެވެ،
Ads by STO
