ކޮވިޑް-19: އިތުރު ދެ މީހަކު ބަލިން ރަނގަޅު ވެއްޖެ

ރާއްޖެއިން ކޮވިޑް-19 ޖެހުނު އިތުރު ދެ މީހަކު ބަލިން ރަނގަޅު ވެއްޖެއެވެ.

Ads by Hajj Corporation

މިރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އައިޖީއެމްއެޗްގެ ޑޮކްޓަރު ޑރ.މޫސާ މުރާދު ވިދާޅުވީ 13 މީހުން ރަނގަޅުވުމާއެކު މިހާރު ފަރުވާދެމުންދަނީ ފަހުން ކޮވިޑް-19އަށް ފައްސިވި ދެ ދިވެހިން އެކަނިކަމަށެވެ.

ޑރ. މުރާދު ވިދާޅުވީ ފައްސި ވެގެން ފަރުވާދެމުންދާ ދެ ދިވެހިންގެވެސް ޙާލު ރަނގަޅުކަމަށެވެ.

މިހާތަނަށް ޓެސްޓުގެ ނަތީޖާ ނެގެޓިވިވި މީހުން ދޫކުރަމުންދާނީ 30 ދުވަހުގެ ކަރަންޓީނު ކުރުމަށް ފަހު ކަމަށާއި އޭގެ ތެރެއިން ބަލި ބޮޑުވި މީހުން ދޫކުރާނީ ބަލީގައި ބަލާނެ އެންމެ ދިގުމުއްދަތަކަށް ބެލުމަށްފަހު ކަމަށްވެސް ޑރ.މުރާދު ވިދާޅުވިއެވެ.