ތިން ބައްޔަކާ ގުޅޭ ނެޝެނަލް ގައިޑްލައިންތަކެއް އެކުލަވާލައި އިފްތިތާހުކޮށްފި
ތިން ބައްޔަކާ ގުޅޭ ނެޝަނަލް ގައިޑްލައިންތަކެއް އަލުން އެކުލަވާލައި އާންމުކޮށްފި އެވެ
އޭގެ ތެރޭގައި ހިމެނެނީ ވައިރަލް ހެޕަޓައިޓިސްއާއި ސެކްޝުއަލީ ޓްރާންސްމިޓެޑް އިންފެކްޝަންސް އަދިއެޗްއައިވީއާ ގުޅޭ ގައިޑްލައިން އެވެ.
ބައިނަލްއަގުވާމީ އެއިޑްސް ދުވަސް ފާހަގަކުރުމަށް މީރުމާގައި މިއަދު ބޭއްވި ހާއްސަ ރަސްމިއްޔާތެއްގައި އެ ގައިޑްލައިންތައް އިފްތިތާހުކޮށްދެއްވީ ރައީސް ޑރ މުހައްމަދު މުއިއްޒުގެ އަނބިކަނބަލުން ސާޖިދާ މުހައްމަދު އެވެ.
އެ ތިން ބަލީގެ ގައިޑްލައިންތައް އިފްތިތާހުކުރުމަށް ފަހު އެ ގައިޑްލައިންތަކާ ގުޅޭ ގޮތުން ޕެނަލް ޑިސްކަޝަނެއް ވެސް މިިއަދު ކުރިއަށް ގެންދިޔަ އެވެ. އެ ޕެނަލް ޑިސްކަޝަންގައި، ރާއްޖޭގައި މި ބަލިތައް ފެތުރުމާއި ބަލިތައް ދެނެގަތުމާއި އަވަސް ފަރުވާ ދިނުމާ ގުޅޭ ގޮތުން ވަރަށް ފުޅާ ދާއިރާއެއްގައި މަޝްވަރާތައް ކުރިއަށް ގެންގޮސްފައިވެ އެވެ.
ރައީސް އޮފީހުން ބުނީ އެޗްއައިވީއަށް އަށް ފަރުވާ ދިނުމާ ގުޅޭ ގައިޑްލައިން އަލުން އެކުލަވާލެވިފައިމިވަނީ 9އަހަރުގެ މެދުކެނޑުމަކަށްފަހު ކަމަށެވެ އަދި އެޗްއައިވީ، ވައިރަލް ހެޕަޓައިޓިސް އަދި ސެކްޝުއަލީ ޓްރާންސްމިޓެޑް އިންފެކްޝަންސްއާ ގުޅޭ ގައިޑްލައިންތައް އެކުއެކީގައި މުތާލިއާ ކުރެވި، އެކުލަވާލެވި، އަދާހަމަކުރެވި، ތަންފީޒުކުރެވެން ފެށިގެން ދިއުމަކީ މިދާއިރާއިން ރާއްޖެއަށް ލިބިގެންދާ ވަރަށް ބޮޑު ކުރިއެރުމެއްކަން ވެސް ފާހަގަކޮށްފައިވެ އެވެ.
މިއަދު އިފްތިތާހުކުރެވުނު އެ ގައިޑްލައިންތަކަކީ ދުނިޔޭގެ ޞިއްޙަތު ޖަމިއްޔާގެ އެންމެ ފަހުގެ އިރުޝާދާއި ލަފާގެ މައްޗަށް އެކުލަވާލާފައިވާ ގައިޑްލައިންތަކެއްކަމަށް ވެސް ރައީސް އޮފީހުން ބުނެފައިވެ އެވެ.
