ރިސޯޓުތަކުން ކަނޑާލާ މުވައްޒަފުންނަށް ޖާބިރުގެ ކުންފުނިތަކުގައި މަސައްކަތް ކުރުމުގެ ފުރުސަތު!
ކޮވިޑް-19އާ ގުޅުގެން ޓޫރިޒަމް ސިނާއަތަށް އަރާފައިވާ ލޮޅުމުގެ ސަބަބުން ރިސޯޓުތަކުން ކަނޑާލާ މުވައްޒަފުންނަށް ކާށިދޫ ދާއިރާގެ މެމްބަރު އަބްދުﷲ ޖާބިރުގެ ކުންފުނިތަކުގައި މަސައްކަތް ކުރުމުގެ ފުރުސަތު ހުޅުވާލައިފިއެވެ.
ޖާބިރު ކުރެއްވި ޓްވީޓެއްގައި ވިދާޅުވީ ރައީސް އިބްރާހިމް މުހައްމަދު ސޯލިހް އެދެނީ ކޮވިޑް-19 އާއި ގުޅިގެން ރިސޯޓްތަކުގައި މަސައްކަތްކުރާ މުވައްޒަފުން ކަނޑާނުލުމަށް ކަމަށާއި އެކަމަށް އޭނާ ތާއީދުކުރައްވަ ކަމަށެވެ.
ޖާބިރު ވިދާޅުވީ މުސީބާތުގެ ވަގުތުގައި އިތުރަށް ހާލުގައި ޖެއްސުން އެއީ އިންސާނިޔަތާ ހިލާފު ކަމެއް ކަމަށެވެ. އެހެންކަމުން ރިސޯޓުތަކުން ކަނޑާލާ މުވައްޒަފުންނަށް ޖާބިރު ކުންފުނިތަކަށް އައުމަށް އޭނާ ދައުވަތުދެއްވާފައެވެ.
"ހާލަތާއި ބައްދަލު މުސާރަ ދޭނަން، ހާލުގައި ނުޖެހޭނެ. އެހީތެރިވާނަން ހުރިހާ ފަރާތްތަކަށް ވެސް. އެކުގައި މި ހާލަތުން އަރައި ގަނެވޭނެ." ޖާބިރު ވިދާޅުވިއެވެ.
R @ibusolih edheny Covid19 aa gulhigen resort thakuga masakkai kuraa muvazzifun kandaa nulumah, ekamah alhugandu thaaeedhu. Museebaathuge vaguthuga ithurah haaluga jessun ei insaaniyyatha hilaaf kameh. Resort thakun kandaala muvazzafun alhuganduge kunfunithakah vadaigannavaa.
— Abdulla jabir (@chairmanjabir) March 30, 2020
ލޭބާރިލޭޝަންސް އޮތޯރިޓީން އިއްޔެ ބުނެފައިވަނީ ކޮވިޑް-19އާ ގުޅިގެން ވަޒީފާގެ ގާނޫނާ ހިލާފަށް އަމަލުކުރާކަމުގެ ގިނަ މައްސަލަތަކެއް އެ އިދާރާއަށް ހުށަހެޅެމުންދާ ކަމަށެވެ. މި މައްސަލަތައް އެ އޮތޯރިޓީން ބަލަމުންދާކަމަށް ވެސް ބުނެފައިވެއެވެ.
