އުރީދޫގެ ސައިކަލު ލިބޭ ޕްރޮމޯޝަން މާދަމާ ހަމަވާނެ
އުރީދޫ މޯލްޑިވްސްއިން ކުރިއަށް ގެންދާ ސައިކަލެއް ލިބޭ ޕްރޮމޯޝަން ނިމެން އެއް ދުވަހަށް ވެއްޖެ އެވެ.
މިދިޔަ ސެޕްޓެމްބަރު 23 ގައި އެ ކުންފުނިން ތައާރަފްކޮށް, ކުރިއަށް ގެންދާ އެ ޕްރޮމޯޝަންގައި ކޮންމެ 3 ދުވަހަކުން އެއް ސައިކަލު ދެމުން އަންނައިރު، ކެމްޕެއިން ނިމޭއިރު ޖުމްލަ 30 ސައިކަލު ނަސީބުވެރި ފަރާތްތަކަށް ދެވޭނެ ކަމަށެވެ.
ރާއްޖޭގެ އެކި ކަންކޮޅުތަކުގައި ދިރިއުޅޭ އުރީދޫގެ ހުރިހާ ކަސްޓަމަރުންގެ އިތުރުން އަލަށް އުރީދޫއާ ގުޅޭ ކަސްޓަމަރުންނަށް ވެސް މި ޕްރޮމޯޝަންގައި ބައިވެރިވެވޭނެ ކަމަށް އެ ކުންފުނިން ބުންޏެވެ.
އެ ޕްރޮމޯޝަން މާދަމާ ނިމޭއިރު ޕީސީއެކްސް 160 އާއި މުޅި ޕްރޮމޯޝަންގެ ގްރޭންޑް ޕްރައިޒް ކަމަށްވާ، 2024 ރެބެލް 300، ކަޅު ކުލައިގެ ސައިކަލު ހޯދުމުގެ ފުރުސަތު އެބައޮތްކަމަށް ވެސް އުރީދޫއިން ބުނެފައި ވެއެވެ.
ޕްރޮމޯޝަންގައި ބައިވެރިވުމަށް:
- އުރީދޫ ކަސްޓަމަރެއް ނަމަ ފާއިތުވި 30 ދުވަހުގެ ތެރޭގައި 250 ރުފިޔާއަށް ވުރެ މަތިން ބިލް ދައްކައި، ރީޗާޖުކޮށް ނުވަތަ އެޑް އޮން އެއް ބޭނުންކުރުން.
- އުރީދޫ އާ އަލަށް ގުޅޭ ކަސްޓަމަރުން ހިދުމަތް ބޭނުން ކުރުމަށް 400 ރުފިޔާއިން މަތިން ބިލް ދައްކައި، ރީޗާޖުކޮށް ނުވަތަ އެޑް އޮން އެއް ބޭނުންކުރުން.
އުރީދޫގެ އެކްޓިވް ކަސްޓަމަރަކަށްވުން.
މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގައި އެންމެ ވަރުގަދަ އަދި އެންމެ ބޮޑު 5ޖީ ނެޓްވޯކް ތައާރަފްކުރުމުގެ މުނާސަބަތުގައި އެ ކުންފުނީގެ ކަސްޓަމަރުންގެ އިތުބާރާއި އެއްބާރުލުން ފާހަގަކޮށް، ކަސްޓަމަރުންގެ އަގުވަޒަން ކުރުމުގެ ގޮތުން ކުރިއަށް ގެންދާ ޕްރޮމޯޝަނެއް ކަމަށް އުރީދޫން ފާހަގަކުރެ އެވެ.
