އިންޑިއާގައި މި އަންނަ މަހުގައި ވިންޓާ ގޭމްސް ބާއްވަނީ
އިންޑިއާގެ ފަތުރުވެރިންނަށް މަޝްއޫރު މަންޒިލެއްކަމަށްވާ ކަޝްމީރުގެ ގުލްމާގުގައި ފެބްރުއަރީ މަހުގައި "ކެލޯ އިންޑިއާ ވިންޓާ ގޭމްސް" ބާއްވަން ނިންމައިފި އެވެ.
މި މުބާރާތަކީ އިންޑިއާގެ އެކި ހިސާބުތަކުން އަންނަ ޒުވާން ކުޅުންތެރިންނަށް އަމާޒުކޮށްގެން ބާއްވާ ގައުމީ ފެންވަރުގެ ކުޅިވަރު މުބާރާތެކެވެ.
މި ހަރަކާތާ ބެހޭގޮތުން މައުލޫމާތު ހިއްސާކުރަން ބޭއްވި ބައްދަލުވުމެއްގައި ޗީފް ސެކްރެޓަރީ އަޓަލް ޑުލޫ ވިދާޅުވީ ޖަމްމޫ އަދި ކަޝްމީރު އަކީ ފާހަގަކޮށްލެވޭ ފަތުރުވެރިކަމުގެ މަންޒިލެއްގެ ގޮތުގައި ޕްރޮމޯޓްކުރުމުގައި މިފަދަ ގައުމީ ފެންވަރުގެ އިވެންޓުތައް ބޭއްވުން މުހިންމު ކަމަށެވެ.
ޑުލޫ ވިދާޅުވީ ގުލްމަރްގްއަކީ މުޅި ގައުމުގެ އެންމެ ބޮޑު ސްކީ މަންޒިލުތަކުގެ ތެރެއިން އެއް މަންޒިލު ކަމަށްވާތީ، ބައިނަލްއަގްވާމީ ސްކީ ކުޅުންތެރިން ޖަލްބުކުރުމަށްޓަކައި އެމީހުންނަށް ހާއްސަ މުބާރާތްތައް ބޭއްވުމަށް މި ތަން ބޭނުން ކުރާނެ ކަމަށެވެ.
މި ބައްދަލުވުމުގައި ސެކްރެޓަރީ ވައިއެސް އެންޑް އެސް އާއި، ޑެޕިއުޓީ ޑީޖީއާއި، އެސްއޭއައި އާއި ޕްރިންސިޕަލް ސެކްރެޓަރީ އާއި، ކަލްޗާ ޑިޕާޓްމަންޓް އާއި އޭޑީޖީޕީ އާއި، އެލް އެންޑް އޯ އާއި، ޑީޖީ އާއި އެފް އެންޑް އީއެސް އާއި ކޮމިޝަނާ ސެކްރެޓަރީ އާއި، ޖީއޭޑީ އާއި، ކޮމިޝަނާ ސެކްރެޓަރީ އާއި ޓޫރިޒަމް ޑިވިޝަނަލް ކޮމިޝަނާ އާއި، ކަޝްމީރު ސެކްރެޓަރީ އާއި، ޕީޑަބްލިއުޑީއާއި، ޑެޕިއުޓީ ކޮމިޝަނާއި، ބާރާމުލާ/ބުދްގާމް ޑިރެކްޓާ އަދި އިންފޮމޭޝަން އެންޑް ޕީއާރު ގެ އިތުރުން އެހެނިހެން ކަމާބެހޭ އޮފިސަރުންވެސް ބައްދަލުވުމުގައި ބައިވެރިވަޑައިގެންފައި ވެއެވެ.
މި އަހަރުގެ ކެލޯ އިންޑިއާ ވިންޓާ ގޭމްސްގައި އައިސް ސްކޭޓިންނާއި އައިސް ހޮކީއާއި ސްކީއިންގް އަދި ސްނޯބޯޑިންގް ފަދަ ގިނަ ކުޅިވަރުތަކެއް ހިމެނެ އެވެ.
ގުލްމާގުގައި މި މުބާރާތް ބޭއްވުމުން ސަރަހައްދުގެ ފަތުރުވެރިކަމަށް ވެސް ކުރިއެރުމެއް ލިބޭނެ ކަމަށް އުއްމީދުކުރެވޭ ކަމަށްވެސް އެ ބައްދަލުވުމުގައި ފާހަގަކުރި އެވެ. އަދި ޖަމްމޫ އެންޑް ކަޝްމީރުގެ އިގްތިސޯދަށް ފައިދާތަކެއް ކުރާނެ ކަމަށްވެސް އޭނާ ވިދާޅުވި އެވެ.
ކެލޯ އިންޑިއާ ވިންޓާ ގޭމްސްއަކީ އިންޑިއާގެ ސަރުކާރުން އިސްނަގައިގެން ހިންގާ މުހިންމު ކުޅިވަރު ހަރަކާތެކެވެ.
މި މުބާރާތުގެ މަގްސަދަކީ ގައުމީ ފެންވަރުގައި ކުޅިވަރުގެ ރޫހު އާލާކޮށް، ޒުވާން ކުޅުންތެރިންނަށް ފުރުސަތު ހޯދައިދިނުމެވެ.
Ads by STO
