ޗައިނާގައި ޔަތީމުހާނާ ސްޓައިލްގެ ބޯޑިން ސްކޫލު އިތުރުކުރަނީ
ޗައިނާގެ ޝިންޖިންއާންގް ސަރަހައްދުގައި އެ ނަސްލުނޫން ކުދިންނަށް ޔަތީމްހާނާ ސްޓައިލްގެ ބޯޑިން ސްކޫލު އިތުރުކުރަނީ އެވެ.
ރޭޑިއޯ ފްރީ އޭޝިއާއިން ބުނީ މި ސްކޫލްތަކުގެ މަގްސަދަކީ އެ ކުދިން އެމީހުންގެ މައިންބަފައިންނާއި ސަގާފަތުން ވަކިކޮށް، ޗައިނާގެ ކޮމިއުނިސްޓު ޕާޓީގެ އައިޑިއޮލޮޖީއަށް އަހުލުވެރި ކުރުން ކަމަށެވެ.
މިކަމާ ގުޅޭގޮތުން އިންސާނީ ހައްގުތަކަށް މަސައްކަތްކުރާ ޖަމާއަތްތަކުން ކަންބޮޑުވުން ފާޅުކޮށްފައިވެ އެވެ.
ޗައިނާ ސަރުކާރުން މިފަދަ ސްކޫލްތައް ފުޅާކުރަމުންދާކަމަށް ބުނެ 2025 ވަނަ އަހަރާ ހަމައަށް ޝިންޖިއާންގް ސަރަހައްދުގައި މިފަދަ އިތުރު ސްކޫލްތައް ގާއިމުކުރުމަށް ރޭވިފައިވާކަމަށް ރިޕޯޓުގައި ފާހަގަކޮށްފައިވެ އެވެ. މީގެ ސަބަބުން ގިނަ އަދަދެއްގެ ނަސްލުނޫން ކުދިން އެމީހުންގެ އާއިލާތަކާ ވަކިވެ ސަރުކާރުގެ ބެލުމުގެ ދަށަށް ގެނެވޭނެކަމަށް ބެލެވެ އެވެ.
މި މައްސަލައާ ގުޅޭގޮތުން ބައިނަލްއަގްވާމީ މުޖުތަމައުއިން ކަންބޮޑުވުން ފާޅުކޮށް، ޗައިނާގެ މި އަމަލުތަކަކީ އުއިޣުރު މުސްލިމުންގެ އިންސާނީ ހައްގުތަކަށް އަރައިގަތުމެއްކަމަށް ބުނެފައިވެއެވެ.
ނަމަވެސް ޗައިނާ ސަރުކާރުން މި ދައުވާތައް ދޮގުކޮށް މި ސްކޫލްތަކަކީ ކުދިންގެ ތައުލީމީ ފެންވަރު މަތިކުރުމަށް ހިންގާ ޕްރޮގްރާމްތަކެއްކަމަށް ބުނެފައިވެ އެވެ.
