އިންސާނިއްޔަތު ކަމުގެ ނަމޫނާއެއް، ގޭގެ ކުލި 3 މަހަށް މާފުކޮށްދީފި!
ދުނިޔެއަށް ކުރިމަތިވެފައިވާ ކޮވިޑް-19ގެ ބަލިމަޑުކަމާ ގުޅިގެން ކުލި ދައްކާ ބޮޑު އާބާދީއަށް މިވަނީ އިތުރު ވޭނަކާ ކުރިމަތިލާން ޖެހިފަ އެވެ. އިގްތިސޯދު ދަށްވުމާއެކު އާމްދަނީ ދަށް ވެއްޖެ އެވެ. ކުލި ދައްކާ މީހާއަށް ކުރި އަސަރު ގޭގެ ވެރި ފަރާތަށް ވެސް ކުރަން ފަށައިފި އެވެ.
މިހާލަތުގައި އިގްތިސޯދު ދަށްވުމާ ގުޅިގެން އައިސްފައިވާ މާލީ ދަތިތަކާ ގުޅިގެން ބައެއް ގެތަކުގެ ވެރިފަރާތުން މިހާރުވެސް ވަނީ ކުލި ކުޑަ ކޮށްދީފަ އެވެ.
މީގެ ތެރެއިން ވެސް ފާހަގަ ކޮށްލެވެނީ އެމްޑީޕީގެ އެކްޓިވިސްޓެއް ކަމަށްވާ މުޙައްމަދު ޞޮދުރީ (ދުންމާރި ނާޒިމް) ދެއްކި ނަމޫނާއެވެ. ނާޒިމް ވަނީ އޭނާ މާލޭގައި ކުއްޔަށް ދީފައިވާ ތަންތަނުގެ ތިން މަހުގެ ކުލި މާފުކޮށްދީފައެވެ. މިކަމާ ގުޅިގެން ގިނަ ބަޔަކުއަންނަނީ މީސް މީޑިއާގައި އޭނާ އަށް ތައުރީފު ކުރަމުންނެވެ.
"ސާބަހޭ! ހަގީގީ ގޭގެ އޯނަރުން މިއަދު ފެނިއްޖެ. ނާޒިމް އަށް ޝުކުރިއްޔާ ވަރަށް ބޮޑަށް، ތިބާގެ އާއިލާ އަށާއި ތިބާއަށް ހެޔޮ ރަހުމަތް ލައްވާށި. އާމީން. ތި ކޮށްދެއްވި ކަންތައް ދުވަހަކުވެސް ހަނދާނެއް ނުނެތޭނެ. އަހަރެންގެ އާއިލާ އާއި އަހަރެން ފަރާތުން ވަރަށް ބޮޑަށް ޝުކުރިއްޔާ." ނާޒިމް ކުއްޔައްދީފައިވާ ގެއެއްގައި ދިރިއުޅޭ މީހަކު ލިޔެފައިވެއެވެ.
@MohamedNasheed @ibusolih
2 Raees Alugandu Kuhyah Dhefai Vaa Than Than 3 Mas Kuli Maaf Kohffa Efaraah Thakah Angaafin pic.twitter.com/lq6joKpNKI— Mohamed Naxim (@MDPNaxim007) April 1, 2020
ނާޒިމްގެ އިތުރުން ބައެއް ގޭތަކުގެ ވެރިން އަންނަނީ ކުލީގެ އެއްބައި ނުވަތަ ދެބައިކުޅަ އެއްބައި މާފު ކޮށްދެމުންނެވެ. އަނެއްބައި މީހުން ބުނަނީ އިގްތިސާދު ދަށްވުމާ ގުޅިގެން އެ މީހުންގެ މާލީ ހާލަތުވެސް ދަށްވެ ކުލި ކުޑަ ކޮށްދެވެން ނެތް ކަމަށެވެ.
ކޮވިޑް-19 އިގެ ސަބަބުން އިގްތިސޯދު ދަށްވުމާ ގުޅިގެން ސަރުކާރުން ބޭންކްތަކާ މަޝްވަރާ ކުރުމަށް ފަހު، ބައެއް ބޭންކްތަކުން މިހާރު ވަނީ ދޫކޮށްފައި ހުރި ލޯނުތައް ދެއްކުން ހަ މަހަށް ފަސްކޮށްދީފަ އެވެ. އަދި ސަރުކާރުގެ ހައުސިން ސްކީމްތަކުގެ ލޯނުތައް ވެސް ހަ މަހަށް ފަސް ކޮށްދޭން ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) އިން ވެސް ނިންމާފައިވެ އެވެ.
