ރީޖަނަލް ތިން އެއާޕޯޓެއް ރޭގަނޑަށް ބަންދުކޮށްފި

ކޮވިޑް-19އާ ގުޅިގެން ފްލައިޓްތައް މަދުވެފައިވާތީ ތިން ރީޖަނަލް އެއާޕޯޓެއް ރޭގަނޑަށް ބަންދުކުރުމަށް ޓްރާންސްޕޯޓް މިނިސްޓްރީން ނިންމައިފިއެވެ.

Ads by STELCO

ރޭގަނޑަށް ބަންދުކުރުމަށް ނިންމާފައިވަނީ 24 ގަޑިއިރު ޚިދުމަތްދެމުންދާ އެއާޕޯޓުތައް ކަމަށްވާ ހަނިމާދޫ އިންޓަނޭޝަނަލް އެއާޕޯޓާއި ކާޑެއްދޫ އެއާޕޯޓާއި ފުވައްމުލަކު އެއާޕޯޓެވެ.

ޓްރާންސްޕޯޓް މިނިސްޓްރީން ބުނީ މި އެއާޕޯޓުތަކުގެ ޚިދުމަތްދޭ ވަގުތު 1 އޭޕްރިލްއިން ފެށިގެން ހެނދުނު 6:00 އިރުއޮއްސި 6:00 ބަދަލުކޮށްފައިވާކަމަށެވެ.

މިނިސްޓްރީން ބުނީ މިއީ މިދުވަސްވަރު ފްލައިޓް އޮޕަރޭޝަންސްތައް މަދުވުމާއި ގުޅިގެން އެޅި ފިޔަވަޅެއްކަމަށެވެ.

މިއެއާޕޯޓުތަކުގެ އޮޕަރޭޝަންތައް ރޭގަނޑަށް ހުއްޓާލުމަށް ނިންމާފައިވީނަމަވެސް މެޑިކަލް އިވަކުއޭޝަން ފަދަ ޚާއްސަ ޙާލަތްތަކުގައި ފްލައިޓްތައް ބާއްވާނެކަމަށް މިނިސްޓްރީން ބުނެއެވެ. އެގޮތުން ތިން ގަޑިއިރު ކުރިން އެއާލައިން އޮޕަރޭޓަރުގެ ފަރާތުން އެއާޕޯޓަށް އެންގެވުމުން ފްލައިޓްތައް ކުރިޔަށް ގެންދާނެކަމަށް މިނިސްޓްރީން ބުނެއެވެ.