ޝަހީމްގެ ޗެލެންޖަށް ފާޑުވިދާޅުވެ ޝެއިހް ހުސައިން ރަޝީދުގެ ޓްވީޓެއް ކަމަށް ބުނެ ދައުރުވަނީ ދޮގެއް!
ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މީސް މީޑިއާގައި ފެއްޓެވި ގުރްއާން ހަތިމުކުރުގެ ޗެޖެލްޖަށް ފާޑުވިދާޅުވެ ޝެއިހް ހުސައިން ރަޝީދުގެ ނަމުގައި ވާ ޓްވިޓާ އެކައުންޓަކުން ޓްވީޓު ކޮށްފައިވަނީ ދޮގެއް ކަމަށް އޭނާ ވިދާޅުވެއްޖެއެވެ.
ޝެއިހް ރަޝީދުގެ އަސްލު ޓްވިޓާ އެކައުންޓާ ވައްތަރު އެކައުންޓަކުން ކޮށްފައިވާ ޓްވީޓެއްގައި ބުނެފައި ވަނީ ގުރްއާން ކިޔެވުމަކީ ސިޔާސީ ކުޅިވަރަކަސް ހަދައިގެން ނުވާނެ ކަން ޝަހީމަށް އެނގިލައްވަން ޖެހޭނެ ކަމަށެވެ.
ނަމަވެސް މިކަން ދޮގު ކުރައްވާ ޝެއިހް ރަޝީގެ އަސްލު އެކައުންޓުން ކޮށްފައިވާ ޓްވީޓެއްގައި ވިދާޅުވީ އެއީ އޭނާގެ ލިޔުމެއް ނޫން ކަމަށާއި އެކަން ކޮށްފައި ވަނީ އޭނާގެ ނަމުގައި ބަޔަކު ހަދައިގެން އުޅޭ ވަގު އެކައުންޓަކުން ކަމަށެވެ.
Alhugandu ge liumeh nun. Alhugandu ge namugai vagu accounteh hadhaigen ulhey Meeheh thiyaee https://t.co/1lE8Nb3qFz
— HussainRasheedAhmed (@HussainRasheedA) April 2, 2020
ރަޝީދުގެ މި ޓްވީޓަށް ޖަވާބު ދެއްވަމުން ޝަހީމް ވެސް ވަނީ ޝެއިހްގެ ލިޔުމެއް ނޫން ކަމަށް ވިދާޅުވެފައެވެ.
