ވިލަމެންދޫ ރިސޯޓުގެ އޮފީހުގައި ހުރި ތިޖޫރި ފަޅާލައިފި

އދ.ވިލަމެންދޫ ރިސޯޓުގެ އޮފީހުގައި ހުރި ތިޖޫރި ފަޅާލައި، އޭގައި ހުރި ތަކެތި ވައްކަން ކޮށްފިއެވެ.

Ads by STELCO

ފުލުހުން ބުނީ ވިލަމެންދޫ ރިސޯޓުގެ އޮފީހުގައި ހުރި ތިޖޫރިއެއް ވަގަށް ނަގައި، ހަލާކުކޮށްލައިގެން ވައްކަންކޮށްފައިވާ މައްސަލައެއް މިއަދު ހެނދުނު 8:59 ހާއިރު ހުށަހެޅިފައިވާ ކަމަށެވެ.

ހަލާކުކޮށްލައިގެން ވައްކަން ކުރުމަށްފަހު އެއްލާލާފައިވަނިކޮށް ތިޖޫރި ފެނިފައިވަނީ އެ އޮފީހުގެ ގުދަން ތެރެއިން ކަމަށާއި މިހާތަނަށް ބެލި ބެލުމުން އެނގިފައިވާ ގޮތުގައި 80 ޑޮލަރާއި، 230 ރުފިޔާގެ އިތުރުން 57 ޕާސްޕޯޓު ވަގަށް ނަގާފައިވާ ކަމަށް ފުލުހުން ބުނެއެވެ.

މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިނުވާއިރު، މި މައްސަލަ ފުލުހުން އަންނަނީ ތަހުގީގު ކުރަމުންނެވެ.