ކޮވިޑް-19 އަށް ޝައްކުވާ ދިވެއްސަކު ފެނިގެން މޫފުށި ރިސޯޓު ލޮކްޑައުން ކޮށްފި

ކޮވިޑް-19 އަށް ޝައްކުވާ ދިވެއްސަކު ފެނިގެން ކޮންސްޓެންޓު މޫފުށި ރިސޯޓު ލޮކްޑައުން ކޮށްފިއެވެ.

Ads by STELCO

މިރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ ކޮންސްޓެންސް މޫފުށި ރިސޯޓުން ކޮވިޑްގެ އަލާމާތްތަކެއް ހުރި ދިވެއްސަކު ފެނުމާ ގުޅިގެން އެ ރިސޯޓު މޮނީޓަރިންގެ ހާލަތަށް ގެނެސް އެ މީހާ ޓެސްޓުކުރުމުގެ މަސައްކަތް ކުރަމުންދާ ކަމަށެވެ.

އަދި ވ. ކެޔޮދޫއިން ކޮވިޑް-19 އަށް ޝައްކުވި މީހާގެ ނަތީޖާ ނައްސިވެފައިވާކަމަށާއި އެހެންކަމުން އެ ރަށް މޮނީޓަރިންގެ ހާލަތުން މިހާރު ނެގިފައިވާ ކަމަށް މަބްރޫކް ވިދާޅުވިއެވެ.

ރާއްޖެއިން މިހާތަނަށް ކޮވިޑް-19 އަށް 19 މީހަކު ވަނީ ފައްސި ވެފައެވެ. އޭގެތެރެއިން 13 މީހަކު ވަނީ ބަލިން ރަނގަޅުވެފައިވާއިރު މިހާރު ފަރުވާ ދެމުން އަންނަނީ މި ބައްޔަށް އެންމެފަހުން ފައްސިވި ހަތަރު ދިވެހިންނަށެވެ.