މޫސަގެ ކަންބޮޑުވުން: ބިދޭސީންގެ އަދަދު ނޭނގޭނަމަ މެޑިކަލް އެމަޖެންސީއަކަށް ތައްޔާރުވާނީ ކިހިނެތްތޯ؟
ރާއްޖޭގައި އުޅޭ ބިދޭސީންގެ އަދަދު ނޭނގޭނަމަ މެޑިކަލް އެމަޖެންސީއަކަށް ތައްޔާރު ވާނެ ގޮތަކާމެދު ކުރީގެ ނަޖިލީހުގެ ނައިބް ރައީސް ރީކޯ މޫސާ މަނިކު ސުވާލު އުފައްދަވައިފިއެވެ.
މޫސަ ކުރެއްވި ޓްވީޓެއްގައި ވިދާޅުވީ މާލޭގައި ދިރިއުޅޭ ދިވެހިންގެ އާބާދީއަށްވުރެ ބިދޭސީންގެ އަދަދު ގިނަކަން ހެލްތު ޕްރޮޓެކްޝަން އެޖެންސީ(އެޗްޕީއޭ)ގެ ވެރިންނަށް އެގެން އެބަޖެހޭ ކަމަށެވެ.
"މާލެ ސަރަހައްދުގަ ދިރިއުޅޭ ބިދޭސީންގެ ތަފާސްހިސާބެއްނެތި މެޑިކަލް އިމަޖެންސީއަކަށް ފެސިލިޓީތަކާއި ބޭހާއި ކާޑު ތައްޔާރުކުރަނީ ކޮން އަދަދަކަށްތޯ ނޫސްވެރިއަކު އަހާލަދެއްވުންއެދެން." މޫސަ ވިދާޅުވިއެވެ.
މާލޭގައި ދިރިއުޅޭ ދިވެހި އާ ބާދީއަށްވުރެ ބިދޭސީންގެ އަދަދު ގިނަ ކަން އެޗް ޕީއޭގެވެރިންނަށް އެގެން އެބަޖެހޭ މާލެސަރަހައްދުގަ ދިރިއުޅޭ ބިދޭސީންގެ ތަފާސްހިސާބެއްނެތި މެޑިކަލްއިމަރޖެންސީއަކަށް ފެސިލިޓީތަކާބޭަހާ ކާޑު ތައްޔާރުކުރަނީ ކޮން އަދަދަކަށްތޯ ނޫސްވެރިއަކު އަހާލަދެއްވުންއެދެން
— Reekomoosa (@ReekoMoosa) April 5, 2020
މޫސަ މިހެން ވިދާޅުވެފައިވާއިރު ރާއްޖޭގައި ކޮވިޑް19ގެ ނުރައްކާ އެންމެ ބޮޑަށް އޮތީ ބިދޭސީ މަސައްކަތްތެރިންނަށް ކަމަށް ހިއުމަން ރައިޓްސް ވޮޗްއިން ވަނީ ދާދި ފަހުން ބުނެފައެވެ.
އެ ޖަމިއްޔާއިން ބުނެފައި ވަނީ ރާއްޖޭގެ އާބާދީގެ 25 ޕަސެންޓު ހިއްސާކުރަނީ ބިދޭސީ މަސައްކަތްތެރިން ކަމަށާއި އެ މީހުންގެ ދިރިއުޅުމުގެ ހާލަތު ހުރި ގޮތުން މި ބަލީގެ ނުރައްކާ އެންމެ ބޮޑީ އެމީހުންނަށް ކަމަށެވެ.
