ބޭރުގައި ތިބި ދިވެހިން ބަލައި މޯލްޑިވިއަނުން ކުރާ ދަތުރުތަކުގެ އަގު ހެޔޮކޮށްފި

ރާއްޖެއިން ބޭރުގައި ތިބި ދިވެހިން ބަލައި މޯލްޑިވިއަނުން ކުރާ ދަތުރުތަކުގެ އަގު ހެޔޮކޮށްފިއެވެ.

Ads by Sosun Fihaara

މިރޭ ބޭއްވި ނޫސްވެރިންގެ ބައްދަލުވުމުގައި މޯލްޑިވިއަންގެ މެނޭޖަރ ޕީއާރް އެންޑް ކޮމިއުނިކޭޝަންސް މޫސާ ވަސީމް ވިދާޅުވީ މީގެ ފަހުން ދިވެހިން ބަލައި ކުރާ ދަތުރުތަކުގެ ޓިކެޓުގެ އަގުތަށް ހެޔޮކުރަން ނިންމާފައިވާ ކަމަށެވެ.

އެގޮތުން ކޮލަމްބޯ އެއްކޮޅު ޓިކެޓު 220 ޑޮލަރަށް ވިއްކުމަސް ހަމަޖެހިފައިވާއިރު، ކޮޗިން ޓިކެޓު 149 ޑޮލަރު، ޓްރިވިންޑްރަމްއަށް 199 ޑޮލަރު އަދި މެލޭޝިއާގެ ކުއާލަލަމްޕޫރަށް 320 ޑޮލަރަށް ޓިކެޓު ވިއްކަން ހަމަޖެހިފައިވާ ކަމަށް މޫސަ ވިދާޅުވިއެވެ.

މޫސަ ވިދާޅުވީ ފްލައިޓުތައް ކުރާ ދަތުރުތަކުގެ އަގު ހެޔޮކުރަން ނިންމީ އެމްއޭސީއެލްއާއި އެނޫންވެސް ކަމާ ގުޅުންހުރި އިދާރާތަކާއި އެކު މަޝްވަރާ ކުރުމަށް ފަހު ކަމަށެވެ.