ނުއުމާންއަކީ ތެދުވެރި އިޚްލާސްތެރި ޚިދުމަތްތަކެއް ކޮށްދެއްވި ބޭފުޅެއް: ރައީސް
ކޮމިޝަނަރ ޖެނަރަލް އޮފް ކަސްޓަމްސް އަޙްމަދު ނުޢުމާން އަކީ ތެދުވެރި އިޚްލާސްތެރި ޚިދުމަތްތަކެއް ކޮށްދެއްވި ބޭފުޅެއް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ނުއުމާން އަވަހާރަވީ އާލާސްކަންފުޅެއްގައި އިންޑިއާގެ ބެންގަލޫރަށް ވަޑައިގެން އުޅުއްވަނިކޮށެވެ. އޭނާ އެ އާލާސްކަންފުޅަށް ފަރުވާ ހޯއްދަވަން އިންޑިއާގައި އުޅުއްވާތާ ހައެއްކަ މަސް ވެދާނެ އެވެ.
ނޫމާން އަވަހާރަވުމާ ގުޅިގެން ރައީސް މިއަދު ކުރެއްވި ޓްވީޓެއްގައި ވިދާޅުވީ ނުޢުމާން އަަަވަހާރަވި ޚަބަރު އެހީ ހިތާމަޔާއެކު ކަމަށާއި އަދި ޢާއިލާއަށް ތަޢުޒިޔާ ދަންނަވައި މަރުހޫމުގެ ފުރާނައަށް ސުވަރުގެ މިންވަރުކުރެއްވުމަށް އެދި ދުޢާ ދަންނަވާ ކަމަށެވެ.
ކޮމިޝަނަރ ޖެނަރަލް އޮފް ކަސްޓަމްސް އަޙްމަދު ނުޢުމާން އަަަވަހާރަވި ޚަބަރު އެހީ ހިތާމަޔާއެކު. ނުޢުމާންއަކީ ތެދުވެރި އިޚްލާސްތެރި ޚިދުމަތްތަކެއް ކޮށްދެއްވި ބޭފުޅެއް. އަދި ޢާއިލާއަށް ތަޢުޒިޔާ ދަންނަވައި މަރުހޫމުގެ ފުރާނައަށް ސުވަރުގެ މިންވަރުކުރެއްވުމަށް އެދި ދުޢާ ދަންނަވަން.
— Ibrahim Mohamed Solih (@ibusolih) April 8, 2020
މިސަރުކާރު އައި ފަހުން ކަސްޓަމްސްގެ ކޮމިޝަނަރުގެ މަގާމަށް ނުއުމާން އައްޔަން ކުރުމަށް ފަހު ކަސްޓަމްސް ހިންގުމަށް ބޮޑެތި ބަދަލުތަކެއް ވަނީ ގެނެސްފައެވެ. އެގޮތުން ކޮރަޕްޝަން ހުއްޓުވުމާއި ނުފޫޒުން ދުރުކުރެވިފައިވާ ތަނަކަށް ކަސްޓަމްސް ހެދުމަށް އޭނާ ވަނީ ގިނަގުނަ މަސައްކަތްތަކެއް ކޮށްފައެވެ.
