ހުޅުމާލޭގައި 300 އެނދުގެ މެޑިކަލް ފެސިލިޓީއެއް!

ހުޅުމާލޭގައި 300 އެނދުގެ މެޑިކަލް ފެސިލިޓީއެއް ގާއިމް ކުރުމުގެ މަސައްކަތް ފަށައިފިއެވެ.

Ads by Sosun Fihaara

މިރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ "ހުޅުމާލެ މެޑިކަލް ފެސިލިޓީ" ގެ ނަމުގައި ތަރައްގީ ކުރާ އެ ފެސިލިޓީގައި އެޅުމަށް ހަމަޖެހިފައިވަނީ ޓްރީޓޮޕް ހޮސްޕިޓަލް ކުރިމަތީ އޮންނަ ބިމުގައި ކަމަށެވެ.

މަބްރޫކް ވިދާޅުވީ މި ފެސިލިޓީގެ އުމްރާނީ މަސައްކަތަށް 12 މިލިއަން ރުފިޔާ ހަރަދުވާނެ ކަމަށާއި އެތަނަށް ބޭނުންވާ މެޑިކަލް އިކުއިޕްމެންޓަށް 28 މިލިއަން ރުފިޔާ ހަރަދުވާނެ ކަމަށެވެ.

މަބްރޫކް ވިދާޅުވީ މި ފެސިލިޓީ އާއެކު ސާވިސް ބިލްޑިން އަކާއި އެކޮމޮޑޭޝަން ބްލޮކެއްވެސް ގާއިމް ކުރާނެ ކަމަށެވެ.