އިމިގްރޭޝަން ސިސްޓަމަށް ލޮގިން ވާ ޕާސްވޯޑް ބައެއް ބަންގްލަދޭސް މީހުންގެ އަތުގައި އޮވޭ: މޫސަ
ރާއްޖެއަށް ބިދޭސީން އެެތެރެވުމަށް ބޭނުންކުރާ އިމިގްރޭޝަން ސިސްޓަމަށް ލޮގިން ވާ ޕާސްވޯޑް ބައެއް ބަންގްލަދޭޝް މީހުންގެ އަތުގައި އޮންނަ ކަމަށް ކުރީގެ ހުޅު ހެންވޭރު ދާއިރާގެ މެމްބަރު ރީކޯ މޫސާ މަނިކު ތުހުމަތު ކުރައްވައިފިއެވެ.
މޫސަ ކުރެއްވި ޓްވީޓެއްގައި ވިދާޅުވީ އިމިގްރޭޝަން ސިސްޓަމް އަށް ލޮގިން ވާ ޕާސްވޯޑް 60 މީހެއްގެ އަތުގަ އޮންނަ ކަމަށާއި އެމީހުންގެ ތެރޭގަައި ބަންގްލަދޭސް މީހުންވެސް ހިމެނޭ ކަމަށެވެ.
"އެހެންކަމަށްވާނަމަ އެކަން ކުރިބަޔަކާ މެދު ފިޔަވަޅުއަޅަންޖެހޭ." މޫސަ ވިދާޅުވިއެވެ.
ރާއްެޖެއަށް ބިދޭސީން އެެތެރެވުމަށް ބޭނުންކުރާ އިމިގްރޭޝަން ސިސްޓަމް އަށް ލޮގިން ވެވޭ ޕަރސްވޑް. ފަސްދޮޅަސް މީހެއްގެ އަތުގަ އޮތްކަމަވޭ އެމީހުންގެތެރޭގަައި ބަންގްލަދޭސް މީހުންވެސް ތިބިކަމަށްވޭ އެހެންކަމަށްވާނަމަ އެކަން ކުރިބަޔަކާ މެދު ފިޔަވަޅުއަޅަންޖެހޭ
— Reekomoosa (@ReekoMoosa) April 9, 2020
މޫސަ މީގެ ކުރިން ވިދާޅުވެފައި ވަނީ މާލޭގައި ދިރިއުޅޭ ދިވެހިންގެ އާބާދީއަށްވުރެ ބިދޭސީންގެ އަދަދު ގިނަކަން ހެލްތު ޕްރޮޓެކްޝަން އެޖެންސީ(އެޗްޕީއޭ)ގެ ވެރިންނަށް އެގެން އެބަޖެހޭ ކަމަށެވެ. އަދި ރާއްޖޭގައި އުޅޭ ބިދޭސީންގެ އަދަދު ނޭނގޭނަމަ މެޑިކަލް އެމަޖެންސީއަކަށް ތައްޔާރު ވާނެ ކިހިނެތްތޯ މޫސަ ވަނީ ސުވާލު އުފައްދަވާފައެވެ.
