މެލޭޝިއާއިން ކޮވިޑަށް ފައްސިވި ދިވެހި މީހާ އެ ބަލިން ރަނގަޅުވެއްޖެ
މެލޭޝިއާއިން ކޮވިޑް-19އަށް ފައްސިވި ދިވެހި މީހާ އެ ބަލިން ރަނގަޅުވެއްޖެއެވެ.
ކޮވިޑް-19 ގެ މައުލޫމާތު ދިނުމަށް މިރޭ ބޭއްވި ނޫސްވެރިންގެ ބައްދަލްވުމުގައި ހެލްތު ޕްރޮޓެކްޝަން އެޖެންސީ(އެޗްޕީއޭ)ގެ މެޑިކަލް އޮފިސަރު ޑރ. ނަޒްލާ ރަފީގު ވިދާޅުވީ މެލޭޝިއާގައި ހުއްޓާ ކޮވިޑް-19 އަށް ފައްސިވި ދިވެހި މީހާއަކީ ކޮން ފަރާތެއްކަން އެނގިފައިވާ ކަމަށާ މިހާރު އެމީހާ ބަލިން މުޅިން ރަނގަޅުވެ މިހާރު ދޫކޮށްލާފައިވާ ކަމަށެވެ.
ނަޒްލާ މެލޭޝިއާއިން ރާއްޖެ ގެނައި 197 ދިވެހިންގެ ތެރެއިން ފައްސިވި ދިވެހި މީހާއާ ކޮންޓެކްޓްވި އެއްވެސް މީހަކު ހުރިތޯ ބަލަމުންދާ ކަމަށެވެ.
މެލޭޝިޔާއިން އައި ހުރިހާ މީހުންވެސް މިވަގުތު ތިބީ 14 ދުވަހުގެ ކަރަންޓީންގައެވެ.
އްޖެއިން މިހާތަނަށް ކޮވިޑް19 އަށް ޕޮޒިޓިވްވެފައިވަނީ 19 މީހުންނެވެ. އޭގެ ތެރޭގައި ހަތަރު ދިވެހިންވެސް ހިމެނެއެވެ. އަދި ރާއްޖެއިން ޕޮޒިޓިވްވި 13 މީހަކު ވަނީ ރަނގަޅުވެފައެވެ.
