ޚަބަރު

ވޭތުވެދިޔަ 48 ގަޑިއިރުތެރޭ ހުޅުމާލޭން 21 އުޅަނދު ޓޯކޮށް، 34 މީހުން ޖޫރިމަނާ

ޢާއިޝަތު އިމާޝާ ، ދެން އޮންލައިން
ފުލުހުން ޓޯކުރި އުޅަނދުތަކެއް/ ފޮޓޯ: ޕޮލިސް

ވޭތުވެ 48 ގަޑިއިރު ތެރޭގައި ހުޅުމާލޭ މަގުމަތީގައި ގަވާއިދާ ހިލާފަށް ޕާކުކުކޮށްފައި ހުރި 21 އުޅަނދެއް ޓޯކޮށް، 34 މީހަކު ޖޫރިމަނާކޮށްފިއެވެ.

ފުލުހުން އާންމުކުރާ ތަފާސްހިސާބުތައް ދައްކާ ގޮތުގައި ހުޅުމާލޭގެ މަގުތަކުގައި އާންމު ދަތުރު ފަތުރަށާއި ހިނގާބިނގާވެ އުޅުމަށް ދަތިވާގޮތަށް ޕާކްކޮށްފައި ހުންނަ އުޅަނދުތައް ޓޯކުރުމަށާއި، މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ކުރަމުންދާ މަސައްކަތުގެ ތެރެއިން ފާއިތުވި 48 ގަޑިއިރުގެ ތެރޭގައި ހުޅުމާލޭ 18 ސައިކަލާއި 3 ކާރު ވަނީ ޓޯކޮށްފައެވެ. އަދި 30 ސައިކަލަކާއި 4 ކާރެއްގެ ވެރިފަރާތް ވަނީ ޖޫރިމަނާ ކޮށްފައެވެ.

ޖޫރިމަނާކުރި އުޅަނދުތަކުގެ ތެރޭގައި އުޅަނދުގެ އަސްލަށް ބަދަލު ގެނެސްގެން ދުއްވަމުން ދިޔަ 2 ސައިކަލު ހިމެނެއެވެ. އަދި ލައިސަންސް ނެތި ދުއްވި 9 ސައިކަލާއި، ރަޖިސްޓްރީ ނަންބަރު ބަދަލުކޮށްގެން ދުއްވި ތިން ސައިކަލާއި 1 ކާރު ހިމެނެއެވެ.

ފުލުހުން ހުޅުމާލޭ މަގުތަކުގެ ރައްކާތެރިކަން ކަށަވަރު ކުރުމަށް ކުރަމުންދާ މަސައްކަތުގެ ތަފްސީލުތައް ކޮންމެ ދެ ދުވަހަކުން ދަނީ އާންމު ކުރަމުންނެވެ.

Ads by HDC
  1. ކައްޒާބް

    މުޅި ހުޅުމާލެ މަގުމަތީގައި ނުގަވާއިދުން ޕާކް ކޮއްފަ ހުރި ކާރުތައް، އެކަމަކު ޓޯކުރަން ފެނުނީ އެއްމެ ކާރެއް. ފަނީ ކައްޒާބް!!