ކޮރޯނާ ވައިރަސް ހަށިގަނޑަށް ހަމަލާދޭ މަންޒަރު ދައްކުވައިދޭ މައިކްރޮސްކޮޕް ފޮޓޯއެއް
ކޮވިޑް19 ދުނިޔޭގައި ހަލުވިކަމާއެކު ފެތުރެމުން އަންނައިރު، މިބައްޔަށް ފަރުވާއެއް ހޯދުމަށް ދުނިޔޭގެ އެކި ހިސާބުތަކުގައި މަސައްކަތް ކުރާ ސައިންސްވެރިންދަނީ ކެނޑިނޭޅި ބުރަ މަސައްކަތް ކުރަމުންނެވެ. މިވައިރަސްއާ ބެހޭ ތަފާތު އެތައް މަޢުލޫމާތު ތަކެއް ކޮންމެ ދުވަހަކުވެސް އަހަރެމެންނާ ހަމައަށް ސައިންވެރިން ގެނެސްދޭއިރު، މިހާރު މުޅި ދުނިޔޭގެ ނަޒަރު ހުއްޓިފައި މިއޮތީ، ކޮރޯނާ ވައިރަސް ހަށިގަނޑުގެ ސެލްތަކަށް ހަމަލާދޭ މަންޒަރު ފެންނަ މައިކްރޮސްކޮޕް ފޮޓޯއަކަށެވެ.
ބްރެޒިލްގައި މަސައްކަތް ކުރަމުން އަންނަ ސައިންވެރިންގެ ޓީމެއް ކަމަށްވާ އޮކްސްވާޑޯ ކްރޫޑް ފައުންޑޭޝަންގެ ފަރާތުން މިވަނީ ވަރަށް އާދަޔާ ޚިލާފު ފޮޓޯ އެއް ނަގާފައެވެ. ބާރު ގަދަ އިލެކްޓްރޯނިކް މައިކްރޮސް ކޮޕެއްގެ އެހީގައި ނަގާފައިވާ މިފޮޓޯ އެފަރާތުންވަނީ އާއްމުކޮށްފައެވެ.
ކޮރޯނާ ވައިރަސް ހަށިގަނޑުގެ ތެރެއަށް ވަނުމުގެ ކުޑަ ސިކުންތު ކޮޅެއް ކުރިން ވައިރަސް ހުންނަ ގޮތް ފޮޓޯއިން ދައްކައިދެއެވެ.
މަތީގައި އެވާ ފޮޓޯއިން އެދައްކައިދެނީ، ހަށިގަނޑުގެ ސެލްއަކަށް ހަމަލާދޭން ކޮރޯނާ ވައިރަސް ތައްޔާރަށް އޮތް މަންޒަރެވެ. މި ވައިރަސް ހަށިގަނޑުގެ ސެލްތަކުގައި ހުންނަ ޕްރަޓެކްޓިވް ލޭޔަރ އެއް ކަމަށްވާ ސެލް މެންބްރޭންގެ ތެރެއިން ދެމިގަނެ، ސެލް ސައިޓޯ ޕްލާސަމްގެ ތެރެއަށް ވަދެއެވެ. ބައެއް މީހުންގެ ދިފާޢީ ނިޒާމްގެ ވަރުގަދަ ކަމުން ބައެއް ފަހަރު، ހަށިގަނޑުގައި ހުންނަ ވައިޓް ބްލަޑްސެލްތައް ވައިރަސްގެ މައްޗަށް ކުރި ހޯދައެވެ: އެގޮތުން ސެލްތަކަށް ހަމަލާ ދިނުމުގެ ކުރިން ވައިރަސް އިންއެކްޓިވްކޮށްލައެވެ.
