މުދާއުފުލާ ދޯންޏެއް އަޑިއަށްދާތީ ފުލުހުން ހަރަކާތްތެރިވަނީ

ވިލިނގިއްޔާއި ވާދޫއާ ދިމާލު ބޭރުން މުދާ އުފުލާ ދޯންޏެއް އަޑިއަށްދާ ކަމަށް ފުލުހުންގެ ޚިދުމަތުން ބުނެފިއެވެ.

Ads by MPL

ފުލުހުން ބުނީ، "ފެހިލާ" ނަމަކަށް ކިޔާ ދޯންޏެއް އަޑިއަށްދާ ކަމުގެ ރިޕޯޓެއް ފުލުހުންނަށް ލިބުނީ ނޮވެމްބަރު 30 ވަނަ ދުވަހުގެ 16:59 އެހާކަންހާއިރު ކަމަށާއި އެ ސަރަހައްދުގައި ފުލުހުން ހަރަކާތްތެރި ވަމުންދާކަމަށެވެ. އަދި ދޯނީގައި ޖުމްލަ ތިން މީހުން ތިބިކަމަށާއި އެއްވެސް މީހަކަށް ގެއްލުމެއް ލިބިފައިނުވާކަމަށް ފުލުހުން މަޢުލޫމާތުދެއެވެ.

މެރިން ޕޮލިހުން ވަނީ މި ހާދިސާ ހިނގި ސަރަހައްދަށް ގޮސް ހަރަކާތްތެރިވާން ފަށާފައިކަމަށާއި މިވަގުތު ދަނީ އެ ދޯނި ކަފު ޖަހައިގެން ގުޅީފަޅަށް ވެއްދުމުގެ މަސައްކަތް ކުރަމުންކަމަށް ފުލުހުން ބުނެއެވެ.