އެސްޓީއޯއިން ކާށި ގަންނާނަންތޯ އެހުމުން ޖަވާބުގައި އައީ ހިނި: ރީކޯ
ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ކާށި ގަންނާނެތޯ އެހުމުން އޭގެ ޖަވާބުގައި އައީ ހިނި ކަމަށް މަޖިލީހުގެ ކުރީގެ ނައިބު ރައީސް ރީކޯ މޫސަ ވިދާޅުވެއްޖެއެވެ.
ރީކޯ މިއަދު ކުރެއްވި ޓްވީޓެއްގައި ވިދާޅުވެފައިވަނީ އެގްރި ވިޔަފާރީގައި ކާށި ނުހިމެނޭކަން ޔަޤީންވެއްޖެކަމަށެވެ. ރީކޯ ވިދާޅުވެފައިވަނީ ޖަވާބުގައި ހިނިއައުމުން ފޯނުނެގި މީހާގާތު، ކުރިމަތީ އޮތީ ރޯދަމަސް ކަމުން ބާޒާރުގައި ބިދޭސީން ކާށީގެއަގު ބޮޑުކުރިޔަ ނުދިނުމުގެ ގޮތުން އަގުހެޔޮކޮށް ރައްޔަތުންނަށް ކާށި ލިބޭނެ ގޮތެއް ހަދަންވީ ނޫންތޯ ބުނެފައިވާ ކަމަށެވެ. ނަމަވެސް މި ކަމަށް ވަކި ޖަވާބެއް ދެއްވާފައިވާކަމެއް ރީކޯ ހާމަކުރައްވާފައެއް ނުވެއެވެ.
"އެގްރި ވިޔަފާ ރީގައި ކާށި ނުހިމެނޭކަން ޔަޤީންވެއްޖެ. އެސްޓީއޯއިން ކާށި ގަންނާނެތޯ އެހުމުން ޖަވާބުގައި އައީ ހިނި.
ފޯނުނެގި މީހާގާތުބުނިން ކުރިމަތީ ރޯދަމަސް އޮތީމަ އަގުހެޔޮކޮށް ރައްޔަތުންނަށް ލިބޭނެ ގޮތެއް ހަދަންވީ ނޫންހޭ ބާޒާރުގައި ބިދޭސީން ކާށީގެއަގު ބޮޑުކުރިޔަނުދީ" ރީކޯ ވިދާޅުވިއެވެ.
