ބޮލީވުޑަށް މަސްތުވާތަކެތި ގެނެސްގެން އުޅޭ "މާސްޓަމައިންޑް" އަކީ ކުރީގެ ސުޕަމޮޑަލެއް، މިހާރު އެކްޓަރެއް: އެންސީބީ
ބޮލީވުޑްގައި މިހާރު ފެންމަތިވެފައިވާ މަސްތުވާތަކެތި ބޭނުން ކުރުމާއި އޭގެ ވިޔަފާރި ހިންގުމުގެ އަޑީގައި ވަނީ ކޮން ބައެއްތޯ ހޯދުމަށް ނާކޮޓިކްސް ކޮންޓްރޯލް ބިއުރޯ (އެންސީބީ) އިން އެއްވެސް ދުލެއް ނުދެއެވެ.
އެގޮތުން މިދިޔަ ހަފްތާގެ ތެރޭގައި ވެސް ގިނަ ތަހުގީގުތަކެއްކޮށް ބައެއް އެކްޓަރުންނާއި މިހާރުވެސް ސުވާލުކޮށް އެމީހުންގެ ފޯނުތައް ވެސް ހިފަހައްޓާފައިވާއިރު، މިމައްސަލައިގެ ތަހުގީގަށް އިތުރަށް މީހުން އެންސީބީ އަށް ހާޒިރު ކުރުމަށް ވެސް ވަނީ ހަމަޖެހިފައެވެ.
އިންޑިއާގެ ރިޕޯޓުތަކުން ހާމަކޮށްފައިވާ ގޮތުގައި، ބޮލީވުޑުގައި ފެންމަތިވެގެން މިއުޅޭ މަސްތުވާތަކެތީގެ ފަހަތުގައި ހުރީ، ނުވަތަ މިކަމުގެ "މާސްޓަމައިންޑް" އަކީ ކުރީގެ ސުޕަމޮޑެލް އަދި މިހާރު އެކްޓަރެއް ކަމުގައި އެންސީބީ ގެ އޮފިޝަލަކު ވަނީ ހާމަކޮށްފައެވެ.
ނަމަވެސް އެއީ ކާކުކަމެއް އަދިވެސް އެންސީބީން ހާމަ ކޮށްފައެއް ނުވެއެވެ. ހަމައެކަނި ބުނެފައިވަނީ އަންނަ ހަފްތާގައި އިތުރު މީހުން ތަހުގީގު ކުރަން ހާޒިރުކުރާއިރު، އެއެކްޓަރު ވެސް ގެންދާނެ ކަމަަށެވެ.
ރިޕޯޓުތަކުން ބުނެފައިވާ ގޮތުގައި އަންނަ ހަފްތާގައި ބޮލީވުޑްގެ 8 އެކްޓަރަކު ތަހުގީގަށް ހާޒިރު ކުރުމަށް ހަމަޖެހިފައިވެއެވެ. އޭގެ ތެރޭގައި މަޝްހޫރު އެކްޓެރެސް ދީޕިކާ ޕަދުކޯން އާއި އެއްކޮށް މަސައްކަތް ކުރި "އޭ" އަކުރުން ނަންފެށޭ މީހަކާއި، "އެސް" އަކުރުން ނަން ފެށޭ މީހަކާއި "އާރް" އަކުރުން ނަން ފެށޭ މީހެއް ވެސް ހިމެނެއެވެ.
ބައެއް މީހުން ބުނާ ގޮތުގައި "މާސްޓަމައިންޑް" ހޯދިއްޖެ ކަމަށް ބުނެ ވެސް އެމީހަކު ހައްޔަރު ނުކޮށް ހުރުމުން ގިނަ މީހުން ޤަބޫލު ކޮށްފައިވަނީ މިއީ އެމީހެއްގެ ހިތުގައި ބިރުވެރިކަން އުފައްދާ އެމީހަކު ހޯދުމަށް އެންސީބީން ފަތުރައިގެން އުޅޭ ހަގީގަތާ ޚިލާފު ވާހަކައެއް ކަމަށެވެ.
Ads by STO
