ލައިސަންސް ނުނަގައި މިލިއަނުން ވިޔަފާރިކުރި ބިދޭސީއަކު ހައްުޔަރުކޮށްފި
ލައިސަންސް ނުނަގައި މިލިއަނުން ވިޔަފާރިކުރި ބިދޭސީއަކު ހައްުޔަރުކޮށްފި އެވެ.
ކްރިމިނަލް ކޯޓުން މިރޭ ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ ބަނގުލަދޭޝްއަށް ނިސްބަތްވާ ކަޒި ރައިހާން(21 އަހަރު) އެވެ.
ބަންދު އަމުރުގައިވާގޮތުން ރައިހާން ވިޔަފާރިކުރީ އިތުރު ބަޔަކާ ބައިވެރިވެގެން ކަމަށް ބެލެވޭ ކަމަށް ބުނެފައި ވެއެވެ.
އެގޮތުން އެ މައްސަލައާ ގުޅޭ އިންޓެލިޖެންސް ރިޕޯޓުގައި ހިމެނެ މީހުންގެ ބޭންކު އެކައުންޓު މެދުވެރިކޮށް މިލިއަނުން ފައިސާގެ މުއާމަލާތް ހިންގާފައިވާކަމަށް ބެލެވޭކަމަށް ވެސް ބަންދު އަމުރުގައި ބުނެފައި ވެއެވެ.
އެ މައްސަލައާ ގުޅިގެން މުޖުތަމައުގެ ސަލާމަތަށް ނުރައްކާ އޮތް ކަމަށް ބުނެ ރައިހާން 15 ދުވަހަށް ބަންދުކުރަން ވެސް ވަނީ އަމުރުކޮށްފަ އެވެ.
ބިދޭސީން ދިވެހީންގެ ނަން މަތީގައި ވަގު ވިޔަފާރި ހިންގަމުންދާ އިރު އިކޮނޮމިކް މިނިސްޓްރީން މިހާރު ވަނީ އެފަދަ ވިޔަފާރިތައް ހުއްޓުވަން ވަރުގަދަ އޮޕަރޭޝަންއެއް ވެސް ހިންގަމުންނެވެ.
