ސަރުކާރުން ނެރުނު މެމޯއާއެކު ސިއްހީ ހިދުމަތްތެރިންގެ މިމަހުގެ މުސާރަ ކުޑަ ވެއްޖެ
ސަރުކާރު މުވައްޒަފުންނަށް މިމަހުގެ މުސާރަ ދިނުމަށް ނެރުނު އާ އޮނގަނޑުގައިވާ ގޮތުން ސިއްހީ ހިދުމަތްތެރިންގެ މިމަހުގެ މުސާރަ ކުޑަވާ ކަން ހާމަ ވެއްޖެއެވެ.
މިމަހުގެ ނުވަ ވަނަ ދުވަހު ފިނޭންސް މިނިސްޓަރު އިބްރާހީމް އަމީރު ސޮއި ކުރައްވާ ސަރުކާރު އޮފީސްތަކަށް ފޮނުވި ސިޓީގައި ވަނީ ކޮރޯނާ ވައިރަހާ ގުޅިގެން ދައުލަތުގެ އޮފީސްތައް ނުހުޅުވާ ގޮތަށް ރައީސް ނިންމެވި ނިންމެވާ ގުޅިގެން މުވައްޒަފުންނަށް އިތުރުގަޑީ އެލަވެންސާއި ބަންދު ދުވަސްތަކުގެ އިނާޔަތް ދިނުމުގައި އަމަލުކުރާނެ ގޮތް ބަޔާންކޮށް ސާކިއުލާއެއް ފޮނުވާފަ އެވެ.
ފިނޭންސް މިނިސްޓްރީން ބުނީ ސިއްހީ ހާއްސަ ހާލަތަކާއި ގުޅިގެން ކޮވިޑް-19 ފެތުރުން ކޮންޓްރޯލް ކުރުމަށް ސަރުކާރުގެ އޮފީސްތައް ބަންދުކޮށްފައިވާ ދުވަސްތަކެއް ކަމުން އެ ދުވަސްތަކުގައި ރާއްޖޭގެ ގައުމީ ބަންދު ދުވަސްތަކާއި، ސަރުކާރު ބަންދު ދުވަސްތަކުގެ ތެރޭގައި ނުހިމެނޭ ދުވަސްތަކެއް ކަމަށް ބުނެ އެވެ.
މިކަމާ ގުޅިގެން އައިޖީއެމްއެޗުންނެރެފައިވާ އިންޓާނަލް މެމޯއެއްގައި ބުނެފައި ވަނީ ކޮވިޑް-19 އާއި ގުޅިގެން މާރޗް 19 އިން ފެށިގެން ސަރުކާރުގެ އޮފީސްތައް ބަންދުކުރުމަށް ނިންމެވި ނަމަވެސް ނަރުހުންނަށް މުސާރަ ދިނުމަށް ނިންމާފައިވަނީ ރަސްމީ ދުވަސް ދުވަހުވެސް އަމަލުކުރާ ފަދައިން އެމުވަޒަފެއްގެ ޑިއުޓީ ގަޑީގެ މަސައްކަތް ކޮށްފައިވާ ގަޑިތަކަށްކަމުގައި އެ މެމޯގައިވެއެވެ.
އެއީ ދުވާލަކު 8 ގަޑިއިރަށްވުރެން އިތުރަށް މަސައްކަތްކޮށްފައިވާ ވަގުތުތަކަށް އަދި އެހެނިެން މުވަޒަފުންނަށް ދުވާލަކު 6 ގަޑިރަށްވުރެން އިތުރަށް މަސައްކަތްކުރާ ނަމަ އެވަގުތަށް އިތުރުގަޑި ދެވޭނެކަމަށެވެ.
އައިޖީއެމް ހޮސްޕިޓަލުން މީގެ ކުރިން މުސާރަ ދިނުމުގެ ކަންތައްކުރާ އުސޫލަކީ، ރަސްމީ ބަންދު ދުވަސްތަކަކީ އެކްސްޓްރާ ދުވަހެއްގޮތުގައި މުވަޒަފުންނަށް މުޅި ދުވަހު އޯޓީ ލިބޭ ގޮތަށެވެ.
ސަރުކާރުން މި ނިންމި ނިންމުމާއި ގުޅިގެން ގިނަ އަދަދެއްގެ ނަރުހުން އަންނަނީ މީސް މީޑިއާގައި އަޑު އުފުލަމުންނެވެ.
Ads by STO
