އަންހެނަކު ގަދަކަމުން ގޯޅިގަނޑެއްގެ ތެރެއަށް ވައްދައި ޖިންސީ ގޯނާކުރި މީހަކު އެހެން މައްސަލައެއްގައި ހޯދަނީ
ދެހާސް އެކާވީސް ވަނަ އަހަރު އަންހެނަކު ގަދަކަމުން ގޯޅިގަނޑެއްގެ ތެރެއަށް ވައްދައި ޖިންސީ ގޯނާކުރި މައްސަލައިގައި ހައްޔަރުކުރި ދިވެހި ފިރިހެނަކު އެހެން މައްސަލައެއްގައި ހޯދާ ނުފެނިގެން ފުލުހުން އޭނާ ހޯދަން މިއަދު އިއުލާންކޮށްފިއެވެ.
ފުލުހުން ހޯދަމުން ދަނީ ހދ. ވައިކަރަދޫ / މިލާފަރު، އަލީ ރަޝީދު (28އ)އެވެ.
ފުލުހުން ބުނީ ރަޝީދު ހޯދަމުން ދަނީ ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރުކުރެވިފައިވާތީ އޭނާ ބަންދުގައި ބަހައްޓައިގެން މާދަމާ އެ ކޯޓަށް ށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން ކަމަށެވެ.
އެގޮތުން ރަޝީދުއާ ބެހޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި ހިއްސާކުރުމަށް ފުލުހުން ވަނީ އެދިފައެވެ.
އަންހެނަކު ގަދަކަމުން ގޯޅިގަނޑެއްގެ ތެރެއަށް ވައްދައި ޖިންސީ ގޯނާކުރި މައްސަލައިގައި ރަޝީދުގެ މައްޗަށް 2022 ވަނަ އަހަރު ދައުވާސްވެސް ކުރިއެވެ. އެ މައްސަލައިގައި އޭނާއާއެކު ހައްޔަރުކުރި އެހެން މީހަކަށް ހަތަރު މަހުގެ ޖަލު ހުކުމެއް އިއްވި ނަމަވެސް ރަޝީދުގެ މައްޗަށް ކުށް ސާބިތުވިކަމެއް ސާފެއް ނުވެއެވެ.
ދެހާސް ސައުވީސް ވަނަ އަހަރު ރަޝީދު ފިހާރައަކުން ވިޔަފާރިކުރުމަށް ފަހު ފޭކު ސްލިޕެއް ފޮނުވި މައްސަލައިގައި 11،600 ރުފިޔާއިން އޭނާ ޖޫރިމަނާވެސްކުރިއެވެ.
