އައްޑޫ އިން 80 ކިލޯގެ ޑްރަގް ފެނިއްޖެ؛ އޮޕަރޭޝަންގައި ބައިވެރިވީ ހަމައެކަނި ދިވެހި ފުލުހުން: ސީޕީ
އައްޑޫގައި ހިންގި އޮޕަރޭޝަންގައި މިހާތަނަށް ގާތްގަނޑަކަށް 80 ކިލޯގެ މަސްތުވާ ތަކެތި ފެނިފައިވާ ކަމަށާއި ފެނިފައިވާ ކަމަށާއި މުޅި އޮޕަރޭޝަން ހިންގީ ދިވެހި ފުލުހުންގެ އިންޓެލިޖެންސުގެ މައްޗަށް ކަމަށް ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެ އެވެ.
މިއަދު ސީޕީ ކުރެއްވި ޓްވީޓެއްގައި ވިދާޅުވީ، އައްޑޫއިން 80 ކިލޯގެ މަސްތުވާތަކެތި އަތުލައިގެންފައިވާ ކަމަށާއި، ތަހުގީގު ކުރިއަށްދާ ވަރަކުން އެހެން ގައުމުތަކާ ވެސް ހިއްސާ ކުރާނެ ކަމަށެވެ. އަދި މިފަދަ އޮޕަރޭޝަންތަކުގެ މަގްސަދަކީ ޑްރަގް އެތެރެ ކުރުމަށް ހުރަސް އެޅުން ކަމަށް ވެސް ސީޕީ ވިދާޅުވިއެވެ.
ސީޕީ މިހެން ވިދާޅުވެފައި މި ވަނީ، ޕާކިސްތާނުގެ ބައެއް ނޫސްތަކުން އެގައުމުގެ އެންޓީ ނާކޮޓިކް ފޯސް (އޭއެންއެފް) އާއި ބައިނަލްއަގުވާމީ ބައެއް ފަރާތްތަކާ ގުޅިގެން އިއްޔެ ގިނަ އަދަދެއްގެ މަސްތުވާތަކެތި އަތުލައިގަނެފައިވާ ކަމަށް ބުނެފައިވާ ދަނޑިވަޅެއްގައެވެ. މަސްތުވާތަކެތީގެ ބޮޑު ވިޔަފާރިއެއް ހިންގަމުންދާ ބައިނަލްއަގުވާމީ ގޭންގެއްގެ މަސްތުވާތަކެތީގެ މައްސަލައެއްގައި އެތައް ބިލިއަން ރުޕީސްގެ މަސްތުވާތަކެތި އަތުލައިގަނެފައިވާ ކަމަށް އެ ނޫސްތަކުން ވިދާޅުވި އެވެ.
ސަލާމަތީ ބާރުތަކުން މި މީހުން އަތުލައިގަތް ވަގުތު ނަގާފައިވާ ކުރު ވީޑިއޯއެއް ވެސް މިހާރު އަންނަނީ ދައުރުވަމުންނެވެ.
އައްޑޫ ސިޓީގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރި ކުރާ ކަމަށް ފުލުހުން ތުހުމަތު ކުރާ ބޮޑު ޑީލަރަކާއެކު ގައުމީ ޓީމުގެ ކުރީގެ ކުޅުންތެރިޔާ ޝަމްވީލް ގާސިމް (ބޮންޑާ) ވަނީ ހައްޔަރުކޮށްފަ އެވެ. މި އޮޕަރޭޝަނާ ބެހޭ އިތުރު ތަފްސީލްތައް ފުލުހުން އަދި ހާމައެއް ނުކުރެ އެވެ.
