އަނބިކަނބަލުންގެ ދިފާޢުގައި ގާސިމް: ތިޔައީ ބަޔަކު ރާނިޔާގެ އެކައުންޓު ހެކް ކޮށްގެން އުފައްދައިގެން އުޅޭ ލިޔުމަކާއި ފޮޓޯއެއް!
ޖުމްހޫރީ ޕާޓީގެ ލީޑަރު ޤާސިމް އިބްރާހިމްގެ އެންމެ ހަގު އަނބިކަނބަލުން ރާނިޔާ އަހުމަދުގެ ދިފާޢުގައި އެމަނިކުފާނު ފުރަތަމަ ފަހަރަށް މީޑިއާގައި ވާހަކަފުޅު ދައްކަވައިފިއެވެ.
ރާނިޔާގެ ފޭސްބުކް އައިޑީން އަންހެނަކާއި ދައްކާފައި ހުރި ވާހަކަތަކެއް ވަނީ މީސްމީޑިއާގައި ޢާއްމުވެފައެވެ. އަދި އޭނާގެ (ބުރުގާ ނާޅާހުރި) ފޮޓޯއެއް ވެސް އެވާހަކަތަކުގެ ތެރެއިން އާއްމުވެފައި ވެއެވެ.
އެކަމާ ގުޅޭގޮތުން ޤާސިމް ވިދާޅުވީ، އެއީ މީގެ 3 އަހަރެއްހާ ދުވަސްކުރިން ރާނިޔާގެ އެފްބީ އެކައުންޓު ހެކް ކޮށްގެން، ހެކް ކުރި މީހުން އުފައްދައިގެން އުޅޭ ލިޔުމަކާއި ފޮޓޯއެއް ކަމަށެވެ.
ގާސިމް މިއަދު ކުރެއްވި ޓްވީޓެއްގައި ވިދާޅުވެފައި ވަނީ މިކަން ފުލުހުންނަށް ވެސް އެއިރު އެނގިވަޑައިގަންނަވާނެ ކަމަށާއި މިއީ ރާނިޔާ ބްލެކްމެއިލް ކުރަން ކޮށްގެން އުޅޭ ކަމެއް ކަމުގައެވެ.
"އެކަމަކު އެކަންވެސް ކާމިޔާބު ނުކުރެވުނު" ގާސިމް ވިދާޅުވެފައިވެއެވެ
ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު ގާސިމް އިބްރާހިމް އުމުރުފުޅުން 73 އަހަރުގައި، 23 އަހަރުގެ ރާނިޔާއާ ކައިވެނި ބައްލަވައިގަތީ ވަރަށް ފަހުންނެވެ. ދެމަފިރިކަނބަލުންގެ އުމުރުގެ ތަފާތު ބޮޑުކަމުން ގިނަ ބައެއްގެ ފާޑުކިޔުން އެދެމަފިރިކަނބަލުންނަށް ވަނީ އަމާޒު ވެފައެވެ. އެފާޑުކިޔުންތަކާއެކު ރާނިޔާ ކުރިން ދައްކާފައިވާ ވާހަކަތަކެއް ކަމަށް ބުނެ މިވާހަކަތައް ވެސް ވަނީ ފެންމަތި ވެފައެވެ.
ގާސިމު ހާދައަވަހަކަށް ތިމައްސަލަ ތަހުގީގުކޮށް ތި ބަޔާންނެރެލީ. ގާސިމަށް ހީވާކަހަލަ ދެން މިތިބީވެސް ގާސިމު ހަކަލަ މަރުމޯލުންނޭ.