ރާއްޖޭގެ ކަނޑުއަޑީގައި ޑޭޓާ ސެންޓަރެއް ގާއިމުކުރުމަށް ދައުވަތު އަރުވައިފި
ރާއްޖޭގެ ކަނޑުއަޑީގައި ޑޭޓާ ސެންޓަރެއް ގާއިމްކުރުމަށް ބައިނަލްއަގުވާމީ ކުންފުނި ތަކަކަށް މިނިސްޓަރ އޮފް ކޮމިއުނިކޭޝަންސް، ސައިންސް އެންޑް ޓެކްނޮލޮޖީ މުހައްމަދު މަލީހު ޖަމާލް ދައުވަތު އަރުވައިފިއެވެ.
އެގޮތުން މިނިސްޓަރ ދައުވަތު އެރުވީ ޓެލެކޮމިއުނިކޭޝަން ކުންފުނިތަކާއި، ޓެކްނޯލޮޖީ ކުންފުނިތަކަކަށެވެ.
މިނިސްޓަރ މަލީހު މި ދައުވަތު އަރުވާފައި ވަނީ ޖަޕާނުގެ ފަރާތުން ބޭއްވި ސައިންސް އެންޑް ޓެކްނޯލޮޖީ އިން ސޮސައިޓީ (އެސް.ޓީ.އެސް) ފޯރަމްގައި ވާހަކަ ދައްކަވަމުންނެވެ.
ޖަޕާނުގެ މިނިސްޓަރ އޮފް ސްޓޭޓް ފޮރ ސައިންސް އެންޑް ޓެކްނޯލޮޖީ އިނޯ ޝިންޖީގެ އިތުރުން 49 ޤައުމެއްގެ ސައިންސް އެންޑް ޓެކްނޯލޮޖީ އާއި ބެހޭ އިސްވެރިން ބައިވެރިވެވަޑައިގެންނެވި މި ބައްދަލުވުމަކީ ކޮވިޑް-19ގެ މި ހާލަތުގައި ސައިންސް އާއި ޓެކްނޯލޮޖީ އަދާކުރާ ދައުރަކީ ކޮބައިކަން މަޝްވަރާކުރެއްވުމަށް ބޭއްވި ބައްދަލުވުމެކެވެ.
"ކަނޑު މަގަށް ބަލާކަމުގައި ވާނަމަ ދިވެހިރާއްޖޭ އޮތީ އެންމެ މުހިއްމު ޝިޕިން ރޫޓްގައި، ރާއްޖޭގެ ކަނޑު އަޑީގެ ސީބެޑް ހުރިގޮތުން މިއީ ކަނޑު އަޑީގައި ޑޭޓާ ސެންޓަރުތަކެއް ގާއިމުކުރުމުގެ ރިސާޗް އަށް އެންމެ ކަމުދާ ގައުމު" މިނިސްޓަރ މަލީހު ވިދާޅުވެފައި ވެއެވެ.
Ads by STO
