ކޮވިޑް-19ގެ އަލާމާތްތައް ހުރި މީހަކު ފެނިގެން ލ. ގަމު ގެއެއް ބަންދު ކޮށްފި
ކޮވިޑް-19ގެ އަލާމާތްތައް ހުރި މީހަކު ފެނިގެން ލ. ގަމު، މުކުރިމަގު އަވަށުގެ ގެޔެއް ބަންދު ކޮށްފިއެވެ.
ހެލްތު ޕްރޮޓެކްޝަން އެޖެންސީ(އެޗްޕީއޭ)އިން ބުނީ ގަން، މުކުރިމަކު، މަހުމާ ނަމަކަށް ކިޔާ ގޭގައި މިވަގުތު ހުރި މީހެއްހެ ކިބައިން ކޮވިޑް-19ގެ އަށް ޝައްކުކުރެވޭ އަލާމާތްތަކެއް ފެނުމާ ގުޅިގެން، ސިއްހީ ގޮތުން ބަލަން ޖެހޭ ކަންކަން ބެލުމަށް އެ ގެ ބަންދު ކުރެވިފައިވާ ކަމަށެވެ.
އެހެންކަމުން ޑިރެކްޓަރ ޖެނަރަލް އޮފް ޕަބްލިކް ހެލްތަށް ލިބިފައިވާ ގާނޫނީ ބާރުގެ ތެރެއިން އިއްޔެގެ 16:13 އިން ފެށިގެން ގަން. މުކުރިމަގު، މަހުމާގެ 14 ދުވަހުގެ މުއްދަތަށް ނުވަތަ އެޗްޕީއޭއިން އިތުރު އެންގުމެއް އަންގަންދެން ބަންދުކޮށްފައިވާ ތަނެއް ކަމަށް ކަނޑައަޅާފައިވާ ކަމަށް އެ އިދާރާއިން ބުނެއެވެ.
އެޗްޕީއޭއިން ބުނީ އެ ގޭގައި މިވަގުތު ތިބި އެއްވެސް ބަޔަކު ވަކިގޮތެއް އަންގަންދެން ތަނުން ބޭރަށް ދިއުމާއި، ހުއްދަނެތި އެއްވެސް މީހަކު އެ ގެއަށް ވަނުން މަނާކުރެވިފައިވާތީ، އެފަދައިން އެކަން ހިނގާނެ ގޮތެއްގެ މަތިން ތަނުގެ އިންތިޒާމުތައް މި ހިނދުން ފެށިގެން ހަމަޖެއްސުމަށް ތަމުގެ ވެރިފަރާތަށް އަންގާ ކަމަށެވެ.
