މިއީ އެންމެންގެ ހަނގުރާމައެއް، ދުޝްމަނަކީ ކޮވިޑް-19: ޑރ. ނިޔާފް
މިއީ އެންމެންގެ ހަނގުރާމައެއް ކަމަށާއި ދުޝްމަނަކީ ކޮވިޑް-19 ކަމަށް އޭޑީކޭގެ ޑޮކްޓަރު އަބްދުﷲ ނިޔާފް ވިދާޅުވެއްޖެއެވެ.
ނިޔާފް މިހެން ވިދާޅުވީ ފުރަތަމަ ފަހަރަށް މާލެއިން ދިވެއްސަކު ކޮވިޑް-19 އަށް ފައްސިވުމާ ގުޅިގެންނެވެ. މިއާއެކު ކޮމިއުނިޓީ ސްޕްރެޑް ނުވަތަ އާންމުގެ ތެރޭގައި މި ބަލި ފެތުރިދާނެ ކަމުގެ ބިރުވެރިކަން މިވަނީ ބޮޑުވެފައެވެ.
ނިޔާފް ކުރެއްވި ޓްވީޓެއްގައި ވިދާޅުވީ މިވަގުތަކީ އެއްބައިވަންތަ ވާންވީ ވަގުތުކަމަށާއި ހިޔާލު ތަފާތުވުންތައް ދޫކޮށްލަން ޖެހޭ ކަމަށެވެ.
"އެކަކު އަނެކަކަށް އަޅާލާ އެހީވޭ، އަވަށްޓެރިންގެ ހާލު ބައްލަވާ. ސަލާމަތީ ހުރިހާ ފިޔަވަޅުތަކެއް އަޅުއްވައިގެން ގޭގައި މަޑުކުރައްވާ. އިންޝާﷲ އަޅުގަނޑުމެން މިކަމުން ސަލާމަތް ވާނޭ." ނިޔާފް ވިދާޅުވިއެވެ.
This is ONE battle. And we are all on ONE side. Single enemy: Covid19. Now is the time to be united. Set aside all differences.
Be kind to each other. Help each other. Look out for & look after your neighbor.
Stay home. Take all precautions.
In-sha Allah, We will persevere.
— Abdulla Niyaf (@niyaf) April 15, 2020
މިއަދު މާލެއިން ކޮވިޑަށް ފައްސިވެފައި ވަނީ މާލެ ފުލޫ ކްލިނިކަށް ދައްކަން ދިޔަ މީހެކެވެ. މިއީ މާލޭ ތެރެއިން ފައްސިވި ފުރަތަމަ މީހާ އެވެ.
އެޗްޕީއޭއިން ބުނީ އޭނާ އައިސޮލޭޝަން ފެސިލިޓީއަށް ގެންދިއުމުގެ މަސައްކަތް މިހާރު ކުރަމުންދާ ކަމަށެވެ.
Ads by STO
